ლერს იმენდო ალამირე ლერს იმენდო ალამირე, შური გამისქვამუა, ჩქიმ დუც ბრელ რე გინნაულა, გურგინი დო ვალუა, ცას მურიცხიშ მოხარცქუა, თუდო დიხაშ ნწალუა, მარა იშენ შური მიდგი’, დუღას ვუგვარგვალუა, ჩქიმი ნარგი რინაშ ნერგის პეულქ გამკოფალუა. მოთალეფ რე ჩქიმ წამალი, ღორონთქ დომიხვამუა, ჩქიმი გური, ჭყოლირ გური, თინემქ გამიხარუა. ბჭარუნქ, ფსოფუნქ, იფსოფუქ, ვამოზარი’ ჭარუა, ურაგადუშ რაგადი დო უხარ თირიშ ხარუა.   © 2006 kolkhoba.org