ესო გაცინდირებულ კოჩიშ მინაჭარა ჩილშა ესო, ესო, ჩქიმი ესო, მოსემართემთ ქუმორთესო, ჩქინი ჭიჭე გერგი ბოშის ჯგირ დო სქვამი ქუგარღვესო… თუ, ყვარილი, დადულეფი, სუმარემშო გოჭყვიდესო, ლაგვანს დუდი გამნონწყესო ღვინ ლაგვანშე გეხერკესო… სქანიანეფ, ქომოლურო ვალნედეს თეშ, დაშუმესო, გვალო კოჩო წაყ’უნესო, წკირით ორზოლ ქაყ’უნესო… თინა ხოლო ქუმობჭარი ჩქიმ მაყ’ალემქ ქუმორთესო, ჯვეშობურო, ხიარულო ქიბირეს დო ქოსხაპესო… ყ’ოროფათი გომშინესო, შურ დო გურით დოფხვამესო… კვარჩხო დაბადებულეფქი’ რია-რია ვაქიმნესო… თოფ დო ლივერ ქიყ’ოთესო, მედაჩხირეფ დომშქურნესო, უგუთებელ რაგადითი ტვინ ოშ დიხას გოირხვესო… ვითოჟირი ჩაყვაშ უკულ ვერწემ ყანწეფ გეყურწესო, პატონსქუა გვანჯი ჩიქვანს თამადობა მიდუღესო… შუმილია ხანგა ჭიჭი ორიორით გაგმიღესო… ირფელ ჭიფას ქუმობჭარი, ვედიზარა, ჩქიმი ესო, ციხეს ვოხექუნ ფერ კოჩის დიანთელი ვაბწონენსო… ამნისტიაქ გიშელუო, წანა ვარა ვამომრკესო, მა თაქ ბრელ ხანს ქიმთობსქიდდა დუც ეხვარი, ჩქიმი ესო… გიჩქდასუ, სქან ყ’ოროფა გურცუ ენინაცხუ კვესო…   © 2006 kolkhoba.org