ჯიმა, მა ვაპოფექ ქორთუ საქორთუოშ ართობაშე ზისხერ მაფნა დუნაბუნა, კოლხეფს დო კოლხურ ნინას ვამიჩქ, მუს რე გუმაბუნა… ლაბანიძეეფიშ გეშა გური ნარღით მაფუ ეფშა, მითაჟამშე გეუძუდეს მუ ოკონა ოკოლხეშა… მუ მოჭირა, ჯიმალეფი, შურო ვავორწყეთო თესი’, ჭიე-ჭიეთ მუშ ნინაშა კოლხის გური გეუყ’ოთესი’… ხეშქა გურშა გემიჭარუ მი მი რე დო, სოვრე მორთუ, მი რე გური კოლხ-იბერი დო გვარ გიმნათირა ქორთუ… თინა კოლხი ხეს გიმოჭარ კახ-იმერქ მუშენ მორთუ, მიქ ყ’უდე გემფაფალუ მიქ ემოდირგ, მიქ მოყ’ოთუ… ლაბანიძეშ ღანჯით რცქინი ღურა დღაშა ვაგმოჭყონდუ, ნძალო მორაგადაფუანს: ჯიმა, მა ვაპოფექ ქორთუ… თათარულსუ ურჩქილექი’ სომეხურით ჰამო გაფუ, მუ ღორონთიქ გუგაჭყორუ კოლხურ ნინა გორჯოგაფუნ… ზისხერ ყ’ვაშა ქომისხაპუნს, შურ ხურხიშა ქეთმაკათუ, თიწკმა სო ურქ, ცოდაშ სქუა, კოლხეფ ართო გაკიკათუნ… გორგალცალო გინოყ’უნდუ ჯვეშ ოკოლხეს ლიხიშ გვალა, ჩქინ ნოხორის ოხორანქ დო მა კოლხობას წიმმოყ’ვალა… გურქ ვამაჩინ, მუს მობანძღუქ, ვამორწონს ჩქიმ ჰამო ბირა, გაჩენდ ვარა, დიდაშ შურმე, მა სი თოისერს ქუგოძირა! ლაკარტ გურცუ ქუგომხუნე, ასე ნინას მიდმამიღა, მუთ მიდამღინ, დებაღინე ვარა ცოდას სოიშახ იღა… ჯგირ მენძელო დორხვადუქი, შურ დო გურით მოზოჯუნქდა, სი სქან ყ’უდეს იუნჩაში სი სქან ოხვენს ქოზოჯუნდა… გურ მულირ მაფ, ვამოხუჯუ ჟღამით ილაკარტუქ თინა, ვარა ჯილოს მუთას დარკენს მაწირღიაშ ნაჩამინა… ჩქიმ ოკოლხე, ვემიოტუა, სქან ზეფირით წიმი ულა, ოგვამეშა ქაბურინე ლაბანიძეშ ნაძღაბულა!.. 1999 წანა, ქართი-ზუგდიდი   © 2006 kolkhoba.org