უსიორო სისანდობა უსიორო სისანდობას შურიშდგი’მა გოსამარე, ტყას მიდუღალ ჩქიმ ნოხორიშ, ჯვეშ ჯარგვალიშ ოლაფარე. სო რე ჩქიმი ოდა-ყ’უდე, წყარპიც იკოდგუდუნი, დოხუმაფე ქვიჩალ ყ’უმურ, მარტის პეულც თუნდუნი. ტერს დუყ’ვილ ჩქიმ ძიძესქუა, ერამხუტიშ მანგი რდუნი, მუ ოხვარ ანწ დიამუშის, თოლც ჩილამურ ვაკორდუნი. ნირს გითოყ’უნს გვალაშ ჯინსი’. ცათ იმზადებ მანგარალო, ქი’რ რეყეშ დუც ორგიას ორთ, ალბათ, თეშ-დღაშ ოღალარო. სოფელ უჩათ გონწერენ დო ჯიჭონ ინგარც ღალიშ პიჯის, გოლუაფირო, ჩე დღაშ იმენდ, რენდა, ხოლო მუთა მიჭირც. ცი’ზანს, ცი’ზანს ზენიშ დოლოს, ჩქიმ გურც ხოლო ყ’ოროფა რე, ტყას მიდუღალ ჩქიმ ნოხორი, ჩქიმ ჯარგვალიშ ოლაფარე.   © 2006 კოლხობა.ორგ