![]() |
|
|
ტყვარჩელია
სქან გინაწონს, გიბჭყოლიდე,
ლუბა ზღვაშფერ, ყ’ვაჩეია,
სქან სისქვამექ აკომქარგუ
შურიშ ბადე, ტყვარჩელია.
გოღაწონერ მუნაფა ცას
ამდღა აკოფაჩენია,
თირს ქუდუჭყაფგ წირადუა
ზენიშ მინდორს, ტყვარჩელია.
ჩქიმ დოხორეს ხავერდიშ ნოხ
მუჟამ ოკო დარჩენია,
არძო ჭუა ათე ზოთონი’ს
ქავოტუათ, ტყვარჩელია.
ცოდა იპიქი’, სქან ყ’ოროფაშ
ყ’უმენურს წყარ ვაბჩენია,
აფუნ, აფუნ ქუმომჭიშე
შურ-წყუნაფილს, ტყვარჩელია.
|
|
© 2006 კოლხობა.ორგ
| |
![]() |