თუთარჩელა ზღვაშ-ფერ ცაშგურს ლურმორებულ თუთა თოლეფს უმანუანს, ტყას ხოლო ლურ გოტახუნ დო სერს ჩქიმწკი’მა ოთანუანს. დოშურდუდა, თუთა ლებო ჩე მუნაფას ქაგთიფინანს, ლანტით რულქ თოლგ გაქთუუღი’და მარწკინაია გაგმოთირანს. ტყაშმაფა ღალს ამბეს არჩენსი’, მუსუთ გვალა მაჩინანსი’ნ, ცხაცხუშ წვანდშე ჩიტ სერს ორკინ, შარა ვარე, ვარჯგინასი’ნ?! განჩი მუთუნ ვაგნიჩინე ოკალმახეშ სიორიშა, ოჭაკეშ ტყაშ არიკ მოუღ ემხვარეფიშ ნოხორიშა. ოქუმ-წყარ ლურს ბორდიშანს დო სათანჯოს ჟი მურიცხ ჭვიტანს, ბებიშ ნაჭვა ჭვიშთარჯგუა თუთა ცაშ ყ’ვას მიკოცვითანს!   © 2006 კოლხობა.ორგ