ნარტი ზენიშ დიხას უფერუანქ, მიჩქუ, ოქუმიშ ცა დუდშა გისხუნ, ჯიმა, ჯვეშობური ქიქანქალნო სიორ ცხაცხუშ ჯინჯის, სუკის, -ეკაწკი’მა? დიდა-დიხას შურ ქუნთხანსო ხვითოშ, ქოშოლუნსო ცუნდ ლაიტიშ სუას, ქახვარუნო შურო მუთუნს იმენდ, ამარ, გოღა გინოღალირ ჭუას? ბჟაშ ილულას ქისარკუნო სქვამას, ზღვაშ ზოლიშ ჟი ცაშ ფონ ძოწიშ ფერით? ურჩქილექინ, წყარიშ ხუმა, ალბათ, უშნერ ფირქემს მუშკოყ’ოთანს სერით. ანარაშ დუქს ქორწკინი’ნსო ვარჩხილ, ჩე მუნაფა ქიგნოყ’უნსო გვალას? ხვიჩალ თოლეფჲ გოუჯინი ალონს დო გვალო შხვა დღა გოთანდუნშო მალას! სი გიჩქ, ჯიმა თე ართ ტკოუ დიხას, მუშ მადიდა ყ’ოროფა რე ტყობუნი’, დადიანიშ ბაღიშ ჩიტ დო ვარდა, ოქუმ-წყარიშ კალმახ ნეტე, ქოპუნ! ილორიშ კარს სანთელს დობჭუნთ მალას ილორიშ ჯვარქ ქიკორინდა შურო, ბირა-ბირათ გათანუანს სერებს მაფშალია ანწით ჯვეშობურო.   © 2006 კოლხობა.ორგ