მარგალური ოხვამალი გუმორძგუას ულიმურ რინასი დო ხვამარდულ მშვიდობას. კოჩანაში ოღალით ვაშულადედა. გურს ქანჩინიშა გურ ველაფუდას. გურშა უგურეს ვაუქანჩუაფუდას. კვანწილს ოკვანწაიას კვანწილო გილოუკვანწუდას. გური დო შურიშ გოფშაფათ ვარდინაფუდას გური დო შური. სქან იღბალს დო ჭარას, სქანდა ვეგუნჯარებუდას. გომორძგუა გურიშგედვალას, გურიშ გედვალა, ცხვაბას კილოთი ათე ქიანაშ დუდი ღორონთი. ხეშგიოდვალს, ხეში გური ვაგწონდებუდას. ურთაფნერს, დიხაშ ბჟას, ჟინ ბჟაშ ნერი მოძინუდას. შური იშამხენან თის შურით უპეულუდას, ონწეთ გოუმორძგვებდას. თოლიშ წვიან ოწონულირს ვაგუწკვისინუაფუდას. ჩქინ ღურაშ უკული ჩქინი სახელი მიქით შინუას, თინეფ:ც გოუმორძგუ ღორონთქ. ლერსო ორაგადე მარგალური ოხვამალი 1. ოხვამალი არძო თქვანი ოჯახეფით, გაგიბედუთ მორიდებას, რდილეფი ჯგირო ქორდანი დო ორდალეფი მორდედას. ამდღარ ვიშო თქვან ოჯახემც ირო ჯგირი ყოფედას, დიანოზი ვამგარუნი, მუშენი ოკო მოჭედას, უმიზეზოთ ვემგარი და ჩქიმ ცხოვრება დოჭვედას. 2.ოხვამალი გაგახარას, გლახა დაგიფარას, ბუნება მერჩანს ფარას, ჯგირო მუგახვარას. დაბადებაშე გარზი ართ ოშ წანას, კოჩი ვამოივარანს. ენა სქან ოხვამალი ყუას, ღორონთ მერჩანს ჯგირობუას, გონებას დო ჭკუას, ტანსინთელე რშიბუდას გაშორას ჭუას. ეხარას მარდუალენს, ჩილს დო სქუას, ძიცა-ლაყაფ სქან ყუდეს დღას ვეგეთუას, ართი თასი დაყოთენი, ოშიქ ეშაფუას. ათე ჩქიმი ოხვამალი დასურო ამინ ყუას, აწ ნება ქომუჩით დო ანდრო ქათაშუანს. 3. ბაღანა ბოშიში ოხვამალი ცხოვრებას მართალი რდა გიყორდასი კუნთხუ სქანი, სქან ქიანა სამარგალო გურიში ოხუტოლაფარი. გორჩქინდიდა, მირდე ოკო, საქიანო გერძუ, ვალი; ჯვეშეფც ლეკური უკებუდუ ტერიში დუდიში ოკვათალი; ლეკურიშ საგამათ, მუთუნ ვარე რჩქინაცალი, ასე თეს ქეშეცადი, ზიტყვა ქოთქუე მართალი. იყუაფუქ კოჩურ კოჩი ჯინჯიერი სქანი გვარი, საწმოხონოთ ქიდოსქიდუ ოშინეთი სახელ სქანი. 4. ზალამება ბღალა რშებუდას ჯიმა, დიდი მაფა აიეტიში ნათელაცალი ოსური კვათირ ნინა ფარტაზიში მაყალუა ცოტინეში, მესიაკონი ფარსაკიში, ქომოლობა მერჩამუდას უტუ, კოჩა დო მართალიში!... 5. ახალწანაში მიოხვამური ახალწანას მიგახვამანთ, ბრელი ახალწანას, ტანს სინთელე რშებუდანი, სახანათი დო ჭყანა. ჯგირი გური ერყუნაფუდან ირი ჩე გოთანა, “ვიხარმამას” იბირდათ დო სხაპდათ განდაგანას!... წყარ დო ჰავა ზომიერი, ჩხაპალი დო ჩხანა, ირო გინოშვაშვალერი თქვან ორტვინ დო ყვანა. ხვე დო ბერექეთიანი მაღაზა დო ხარა… ბაღეფ ეფშა, მარანეფშა, შხურ დო თხათ ამხარა, ოქართე ცხენეფით დო ორინჯით აგვარა… ულიუ გილეგვარგვასუნი, ლექსერი აგვართა… ორქო ვარჩხილითი ეფშა თქვან ლაგუჯი დო ხარა, ბოში დო ცირა თოლიგვირა ახალი აკნაკათა, ფსქეიფით აფშაფედანი კეღუცა დო მართა “ჩვენ მშვიდობას” იბირდას თელი, ქიანაშ კათა! 6. ახალი წანა ახალ წანას მიგახვამა, ღორონთქ გოიტიბუას, გალე მითინ ქორუნსუ-და აშო დოირთინუას.   © 2009 kolkhoba.org