|
COXO MUŞİ GOÇ'K'ONDERİ DİYARİ
Manenaçkine, maç’are Sevan Nişanyaniş k’elen nok’orobe Coxo Muşi Goç’k’onderi Diyari (Turkias Coxo Muşi Gonoktire Sotepeşi Lugati) Gamaçkumale Everestiş k’elen Pukrik’a 2010 tarixis St’amp’olis gamiçkvinu. Svaraşi k’ilifiş dizaini Utku Lomluk, mizanp’aji Suat Koyuncuk qu. Svaraşi geç’k’alas Coxo Oktiruşi P’rosesişa O3’k’omilu do Sotepeşi Coxopeş Cincepe coxoni jur oçkinuşi ç’ara geç’ars. Turkias coxo mutepeşi gonoktire vilayeti, k’aza, nahiye, mahale do oput’epeşi mtini coxope, namu nenaşen mulunan do mu tkvala renan oxoi3’onapen.
Svaraşi çodinas Sotepeşi Mcveşi Coxepeşi İndeksi gez’in. Svaraşi k’ap’ulaşi k’ilifis “Turkias cumxurietişi devres burok’rat’iuri k’ararite coxo mutepeşi ktireli vitoxutşilya k’onari dobargaleşi unoksane -vana xolosi unoksane- arti envanteri andğaşakis var gamiğinu. Coxo Muşi Goç’k’onderi Diyarik am beciti xizmet’i ikips do ktireli coxopeşi didopeş Turkuli, Kurduri, Armenuri, Yunanuri, Arabuli, Surianuri, Zazauri, Kortuli, Lazuri, Bulgaruli do majura nenapes mu tkvala renanşi do muç’o tarixi uğunanşi gamaçkinu inoğiraps.” yado noç’ars.
Numçinuşi nomera: 0212 513 34 20
|
TÜRKÇE
