DUDBUT'K'A

"NA UNT'U RUSİA YOÇKİNDU"

K’onservat’izmi muşiten na içkinen şineri İnglanduri gazeta The Daily Telegraphis na gamiçkvinu ar dudç’aras, Putinişi p’eriodis Rusiaşi ağani oxvamç’k’obape iç’aru. St’at’ias Putinik, Yeltsinişi oxen3alaşen na ezdu Rusia muç’oşi na unt’u steri ar pozi3iaşa goktiru oxoi3’onapen. St’at’ias, demok’rat’ik’uri hak’k’i do timoşletinobape şeni Putinişi maktalaşa k’rit’ik’epe ixvenen.

Nanç’inerot şkvit 3’ana 3’oxle, Rusiaşi p’rezident’i oqopinuşi oras Vladimir Putinik, Milenyumişi Manifest’o gamoçkveret’u. K’omunizmişi dilixva do Yeltsinişi 3’anapeş hengameşk’ule am manifest’o, Rusiaş didilobaşi ağaneburot ok’iduşi reçeta rt’u: am manifest’ok, p’rest’iji muşi na içodu Bolşevizmi k’ala Gyulvarul liberaluri demok’ra3iaşi oşkendas ar “masumani gza” o3’irapt’u. Meseleşi gyoç’k’as, oxen3aleşi menceli ağaneburot otesisu rt’u; muşenido oxen3aleş meç’irobaşi monop’olik, 1990-oni 3’anapes mafia, p’olit’ik’uri menceli na unonan oligark’epe, mediaşi baronepe do lok’aluri valepeşk’elen na i3’opxinen ar artobaşi dudi ez’azdu k’ala konacoxeret’u. A3’i majurani p’rezident’obaş p’eriodiş gverdi çodineri na uğun Rusi go3’oncğonerik, am p’roje muşi şeni dovotamami yado izmons elbet.

Oligark’epe ip’asivinu, media isansurinu, valepes dudi gindrik’inu. Ek’onomik’urot oxen3aleşi menceli, p’et’roli do gaziş gamağinuşi k’ont’roli ok’ap’et’inuten muinz’inapu. Avrop’as, gaziş eç’opinuşi nanç’inerot naotxali şeni K’remlini dvaç’irs, edo am nisp’et’i xoloti muinz’inen. Go3’oneri X3alas Putinik, St. Petersburgis G-8 didok’oxtalas oxormancoba qu do moxtasneri 3’ana şeni Rusiaşi Kianuri K’omer3ialuri Organiza3iaşa dido oraşen doni na ninç’inu ak’atu iz’irasunon. Mosk’ovak emi dobadonas do emiti tereşgales Yeltsinişi p’eriodişen umosi dido k’ap’et’i ar z’irapa o3’iraps. Mara am goktirus arti majurani nunk’u uğun. Putiniş oxen3alaşi Rusuri demok’ra3ia, maktalaluri menceli uk’ont’rolobaten tolis nit’inen. P’olit’ik’aşi do ek’onomik’aşi nok’epe, didopete Putini steri muxbirobaşi servisepes na gamantaneren burok’rat’epeşi xes dokaçeri ren.

Galeni p’olit’ik’aş speros silovik’epeşi (armia varna emniet’işi unit’epeşen gamaxtimeri oxen3alaşi mak’aturepe) tesiri, Lit’vania, Okortura, Moldovia varna Uk’raina steri manz’ageri terepeşa kimoloba oxvenu do İranişi nuk’leeri p’rograma steri iris na şkurna meçaps temapes Gyulvaruli terepeşe p’at’i oğodinus iz’iren. Silovik’epes tereşi doloxe, p’et’roli do gazişi indust’rias dido na dvaç’irs galeni invest’iment’epeşen aşkurinenan. Putinik, manifest’o muşis noğirapeşa nunç’işinu şeni menceloni ar burok’ra3ia vasit’a oqopinot oxmaru 3xunu. Mara burok’rat'epek ağanobapeşa na nadginenan içkinen; p’arlament’oşi maktalu do mediaşi oxmaru uoçkinukti Rusiaşi imajişa dido zarari meçaps.

Energia, p’olit’ik’uri ar silaxi steri oxmaru, Gyulvas K’remlini şeni oceroni ar magamaçameşi temas endişe meçaps. Magazete Anna Politkovskaya do mcveşi KGB şi agent’i Aleksander Litvinenkoşi şok’uri oğirinuk m3’k’upi Soviet’işi ndğalepe goşinapaps. Putinişi Rusias Gyulva do megabrepe mutepeşis şkurna na meçaps ar gangst’erişi unsuri uğun. Bolşevizmi na uk’uniktasunon steri var ren mara am ubedineri p’iraloba, 21. oş3’anuras didiloba na unon ar menceloni dobadona şeni xeironi ar nişaniti var ren.



                                                                                                                                                              TÜRKÇE