|
LAZURİ ANSİKLOPEDİK LAKSİYONİ!
“Lazuri-Turkili / Turkili-Lazuri Ansiklopedik Laksiyoni “, Faruk Benlişi coxoten Gamamçkumaloba Kebikeç şk’elen 2004 3’anas gamiçkvinu. Mehmet Olmez şk’elen gamaçkvalas na ixazirinu svara, Turkialuri Lazepe şk’elen na ixvenu masumani leksik’onişi ge3ada ren. “10.000 k’onari Lazuri, 3.500 k’onariti Turkuli dudmadde do dido tudmadde k’ala Lazuri nena şeni ağani ar leksik’oni” yado iddias na ren svara, Lazuri ugoç’k’ondinuşi noğiraten ixazireren.
Svaraşi go3’otkvalas, Turkologi P’rof. Dr. Mehmet Olmezişi ar st’at’ia gedvaleri ren. St’at’ias; “İdeali na ren, Lazuris 3’oxlenurot universit’et’epeş lingvist’ik’aşi burmepes, k’arta p’olit’ik’uri noğirapeşen mendranurot, na dvaç’irs steri Turkias oxandinu unon.” ya itkven. “Na ğarğalaps adamepe ç’it’a na renan nenapeşi goşogorinu, oskedinu şeni na dvaç’irs nodgitape oxvenu, onç’eloni oxan3alepeşi e3xu ren. “ do “…m3ika varna dido iğarğalinasnati, am kianas k’arta nenas oskedinuşi artneri hak’k’i uğun…” steri simadepe ç’areli ren. Olmezik, xolo; “Xandaşi sperolot Lazurişen do K’avk’asialuri nenapeşen mendra ar speros vixandepnati çkimi nç’elaşi spero, texlik’e na omç’unan nenape na ren şeni, Turkuli maddepeşi o3’opxinu do leksik’oniş Turkuli o3’opxinu şeni am vazife k’abuli p’i.” ya zop’ons. Olmezik vazife muşis; çkvaneri orapes ti-muşişa na niçinu dosiape alfabet’ik’urot psvari, tekraroni maddepe gamaviği, çkvaneri mealepe na uğun do o3’in3’oni tkvalape ar maddes ok’ovobği, çkar Lazuri o3’in3’oni masdari do coxo umek’ideri xaliten artneri maddes var pk’orobi ya tkumers.
Mara, Lazuri nenaşa mtelot xark’uri ar Turkologi şk’elen 3’opxineri na ren am xanda, gyoç’k’aşen çodinaşakis çilatapeten yepşeri ren. Lazuri, oç’aruşi var oğarğaluşi nena oqopinot ixmarinen yado, boncapeşi oç’arupe oxuiktineren. Tkvalape generalurot çilaturi iç’areren, masdarepeşi cincuri xalepe çilaturi ixmarineren, artneri mealoni tkvalape şeni udvaç’ironi tekrarepe ixveneren do tkvalapeşa artişen dido meali niçineren. Svara, am xali muşiten na itkven steri var ren, edo xolo Lazurişa mxuci meçamuşen dido mendra ren.
Ok’vanduşi t’ilifoniş nomeri: 0212 230 09 62
|
TÜRKÇE
