DUDBUT'K'A

OFİSİS NA İXVENEN 10 ÇİLATA

Xemaxvencobaloni, xirsoni do t’ek’nik’uri tecrube gaqvenan mara gecgineri ar p’rofesionaluri oqopinu şeni arxvala dulya oçkinu, ginz’e oras oxandu, xirsoni do xemaxvencobaloni oqopinu var dibağun. Na ixandept inst’it’ut’is p’rofe3ia tkvanişa na nomskun ar imaji o3’iru dido beciti ren. Am temas maxandepe ik’azi na ikipan eksp’ert’epek, k’ariyeri tkvanis negat’ivuri tesiri na meçaps 10 çilata şeni tude na ç’ars çkinape mekçapan:

1- Heyecanişi nişanepe: Toma tkvani varna dolok’ideri na giğunanpe k’ala osteru, doxuneri rt’atşi k’uçxepe tkvani onk’anu, dodgineri rt’atşi tude k’uçxe geçamu steri ak’sionepek heyecani muşi k’ont’roli na var axvenen k’oçi ret yado go3’irapan.

2- Magandaluri ak’sionepe: Dido argo nenape oxmaru, oncğoroni anek’dot’epe otku, megabrepe tkvanis k’omik’i k’oçi ret yado osimadapaps mara tkvanda ink’raxoni ar z’irapati naçen.

3- Oyanupe: Dulyaşa do ok’oxtalapeşa p’ot’e oyanu uhurmetoba oqopinot işinen do p’at’roni do megabrepe tkvani oşumaps.

4- Udvaç’ironi mudafa oxvenu: K’rit’ik’epeşa maanape oxvenu varna golakteri coğabepe meçamu, şumeri do agresiuli ar k’oçi ret yado z’irapa yoçkindaps.

5- Dulyape tamo-tamo oxvenu: Dulyape tkvani çiçialobaten oxvenu, uxemaxvencobaloni k’oçi steri go3’irapan. Amuşi sebebi tkvani uk’usuroba r’tasnati k’arta oras muşeni dulyape muşi oyanaps yado k’itxa, majura k’oçepeşi nosişa tkvani şeni bunduri k’oçi ren varna dulya oçodinuşi menceli var uğun yado coğabi moğapaps.

6- Goç’k’ondinoba: Tkvani goç’k’ondinoba, p’at’ronişi tolis goşabğeri, unç’eloni do uxemaxvencobaloni ar k’oçi ret yado gya3’iren. Am xaliti tkvani terfi oxvenuşa nadgiten.

7- Gyari imxort’aşi t’ilifoniten oğarğalu: İxandupt’atşi mutxanepe oç’k’omu dogaç’iresnati t’ilifoniten oğarğalus çkar mutu mo imxort. Tkvani aşo oz’iramu useriozuli go3’irapan.

8- 3’oxlenerobape uoçkinu: Oçodinu na dvaç’irs ar dulya k’ala naktu vardo dik’k’ati tkvani çkvaneri mutxanepeşa meçamuten dulya gverdi meşkvinu, 3’oxlenerobape var gaz’irenan tkvala ren.

9- Oç’aruşi çilatape: Notepes do dulyaşi kart’alepes na ikipt oç’aruşi çilatape, şorşola do udik’k’atoni ar k’oçi oqopinot oz’iruşa sebebi iqven.

10- Ukamili ak’sionepe: Sempatiuri oqopinu şeni na ikipt ağanmordaluri ak’sionepe namtini orapes mui3’ondinen mara ant’ipatiuri oqopinuşati sebebi gaqvenan. Na ret 3’anaşen ç’it’a ret steri ak’sionepe oxvenu tkvani oceroba mek’arbups.



                                                                                                                                                              TÜRKÇE