|
VAR ĞURİ Sİ, METİN YUKSEL!
17 X3ala 1958 tariğis Bitlisişi Kolongo coxoni raionis na dibadu Metin Yukseli, Molla Sadrettin Xocaşi skiri ren. Çxoro 3’aneri rt’uşi ocaği muşi k’ala Mp’olişi noğa Fatihişa na dibargu Yukseli, muşi gamantanuşi morgvalis mamgureluri ak’sionepe oktalu do “Akincilar” coxoni mamgureluri grup’aşi go3’oncğonerobaşa yextu. Ok’vak’idoni ar k’arak’t’eri uğut’u. İslamiuri simadape muşiten na içinen do k’vazalur simaduri k’oçi do organiza3iape k’ala ok’vak’idinus irişen dido na içinen Yukselişen, maislame adamepeşk’elen na iqoropinen k’oçinot molişinen.
Ağanmordale rt’utina İslamiuri ak’sioniş doloxe nosi, gonç’k’ireloba do ak’t’ivite muşiten mk’ule oras ti-muşi o3’iru. 1977 3’anas Fatihişi Daruşşafaka caddes, k’omunist’i milit’anepe k’ala ok’vak’idinus sum k’urşumiten iyaralineret’u. Muslimanepek eya k’arta mit’ingiş 3’oxle z’iropt’es. Şehidi na iqu ndğaşen ar ndğaş 3’oxle İzmirişen moxteret’u. İraniş k’onsolosobas Muslimanepeşi k’omunist’epe k’ala ok’vak’idinus meşvelu şeni na ideret’u İzmirişen gecginerot Mp’olişa uk’unikteret’u.
23 K’undura 1979 tariğis, P’araskeş namazi şk’ule cameşi mskalapeşen 50 met’ro mendras, cemaat’iş tolepeş 3’oxle up’istoluri rt’uşi şehidi ixvenu. Fatihiş cameşi k’ap’ulaşk’ele na elant’k’obes maqvilepek, cameşen gamulurt’uşi Metinis coxo muşiten ucoxes. Mus na icoxinen na şignu Metin Yukselik, uk’uniktuşi xes p’istoli dokaçeri k’oçepe z’iru. Faşist’i Madulyepeşi Cemiet’iş Dudmaxvenci Ahmet Bilir do Vefaşi Liseş faşist’epeşi go3’oncğoneri İhsan Barutçu 3’oxlenerot ar grup’a faşist’ik, Metiniş k’uçxeşa ar fara k’urşumi istolu. K’urşumik k’uçxeş k’iti muşis mojustu. Ar-jur sanieş doloxe na iqu oğodapas majurani k’urşumi Metiniş korbas doli3igu. Metinik tude meluşi i3’ilaxet’u do şehadetişi tkvala otku şeni ixandept’u. Maqvilepek astaxolo moxtes do dudi muşis jur fara k’urşumi mut’ales. Metiniş xuraşen na dibu di3xirik Fatihiş cameş steğoşi kvaepe mç’ita noktu.
Em p’eriodişi Akincilar coxoni cemaat’is k’arizmat’iuri ar go3’oncğoneri na rt’u Metin Yukselik, eçi 3’aneri rt’utina Muslimani Ağanmordalobaş ak’sioniş doloxe ak’t’ivoba, simp’at’ik’oba do guramoba muşiten efsane iqveret’u. Fatihişi cames na ixvenu cenazeş namazişa jurneçdovit şilyapeşen dido k’oçik ak’atu. Askeruli oktala rt’utina Edirnekapişi oğurenaleşakis igzalinu. Metin Yukselişi şehadeti şeni İslamuri gazeta do jurnalepek ar tutaş morgvalis yopşa but’k’apeten ğuraşi ognapape gamoçkves. Metin Yukseli, mskva simadoni, çiçku guroni, fedakari do gurami ar Muslimani ağanmordale rt’u.
Var ğuri si, Metin Yuksel! Şehidepe var ğurun. “Allahiş şaras na iğurinenpe ğurelepe yado var ga3’onan. Entepe şuroni doskidunan, Rabbi mutepeşik entepes oskedinu şeni k’arta mutxani meçaps. (Al-i İmran, 169)
|
TÜRKÇE
