|
ARTVİNİS UNİVERSİT'ET'İ GİDGİNEN
Dudcumxurobaşi P’resaş Ok’rebuleşen na ixvenu metkvalaten, 17 noğas universit’et’i gedginuşi k’anoni itasdik’inu do gamiçkvinas yado Dudnazirobaşa incğonu. Aşoten dido iyanas nati, Turkiaşi gamantaneri noğapes na go3’vancğonen Artviniti, universit’et’i na uğun noğapeşa ak’atu.
Artvinişi Ç’oroxi Universit’et’i ok’iduşi 5662 nomeroni k’anoni, 29 Pukrik’a 2007 tariğoni do 26536 nomeroni Ofi3ialuri Gazetas gamiçkvinu. K’anonişi t’ekst’i aşo ren:
İlavuri Madde 80 - Artvinis, Artvinişi Ç’oroxi Universit’et’i coxoten ar universit’et’i gidginu. Am universit’et’i;
a) Rek’t’orobaşa mek’ireli na ik’idu Feni-Nç’aralobaşi Fak’ult’et’i do Uçazoğaşi T’eknik’uri Universit’et’işi Rek’t’orobaş xes rt’uşi coxo do irtibat’i muşi oktiruten na i3’opxinu do rek’t’orabaşi xes na niçinu Gamantanuşi Fak’ult’et’i k’ala K’avk’asiş Universit’et’işi Rek’t’orobaş xes rt’uşi coxo do irtibat’i muşi oktiruten na i3’opxinu do rek’t’orabaşi xes na niçinu Mt’k’aş Fak’ult’et’işen,
b) K’avk’asiş Universit’et’işi Rek’t’orobaş xes rt’uşi coxo do irtibat’i muşi oktiruten na i3’opxinu do rek’t’orabaşi xes na niçinu Şursağobaş Mağalidoguronişen,
c) K’avk’asiş Universit’et’işi Rek’t’orobaş xes rt’uşi coxo do irtibat’i muşi oktiruten na i3’opxinu do rek’t’orabaşi xes na niçinu P’rope3iaşi Mağalidoguroni, Uçazoğaşi T’eknik’uri Universit’et’işi Rek’t’orobaş xes rt’uşi coxo do irtibat’i muşi oktiruten na i3’opxinu do rek’t’orabaşi xes na niçinu Arkabiş P’rope3iaşi Mağalidoguroni k’ala Xopaş P’rope3iaşi Mağalidoguronişen,
ç) Rek’t’orobaşa mek’ireli na ik’idu So3ialuri İlmiurepeşi İnst’it’ut’i k’ala Fenuri İlmiurepeşi İnst’it’ut’işen 3’opxineri ren.
Ağani na ik’idu 17 universit’et’i nomerepe k’ala antepe ren :
71) Karamanoğlu Mehmetbeyişi Universit’et’i
72) Ağri Dağişi Universit’et’i
73) Sinopişi Universit’et’i
74) Siirtişi Universit’et’i
75) Nevşehirişi Universit’et’i
76) Karabukişi Universit’et’i
77) Kilisişi 7 Xrist’ana Universit’et’i
78) Çankirişi Karatekin Universit’et’i
79) Artvinişi Ç’oroxi Universit’et’i
80) Bilecikişi Universit’et’i
81) Bitlisişi Eren Universit’et’i
82) Kirklarelişi Universit’et’i
83) Osmaniyeşi Korkut Ata Universit’et’i
84) Bingolişi Universit’et’i
85) Muşişi Alparslan Universit’et’i
86) Mardinişi Artuklu Universit’et’i
87) Batmanişi Universit’et’i
Na içkinen steri Artvinis, 1993 3’anas na guin3’k’u, K’avk’asiş Universit’et’işa (K’arsi) mek’ireli Mt’k’aş Fak’ult’et’i do 2003 3’anas na guin3’k’u, Uçazoğaşi T’eknik’uri Universit’et’işa (T’amt’ra) mek’ireli Gamantanuş Fak’ult’et’i rt’u.
Turkias xoloti; Ardahan, İğdir, Gumuşhane, Bayburt, Tunceli, Hakkari, Şirnak, Bartin do Yalova noğapes universit’et’i gedgineri var ren.
|
TÜRKÇE
