|
İRİATONİ, BEÇ'İLİA - NABORDİŞA
K’olxi p’oet’i Laşa Gaxariaşi Margaluri leksiş svara, 2005 3’anas mjoraş teşa kogamaxtu. Margalurot ç’areli do Kortulişa goktireli svara, 215 but’k’aloni ren. Laşa Gaxariak Çxoro3’quş raioni oput’e Muxuris dibaderen. Emuk dido oraşen doni ç’areren leksepe, mara k’omunist’uri oras Laşa Gaxariak, muç’o na p’oet’i mitik var içineren. 2003-2004 3’anapes emuşi sum svara gamiçkvinuşi Gaxariaş p’oet’uri menceli oxui3’onu.
Laşa Gaxaria doğuru do emuş Margaluri leksepekti kogamiz’iru. Emus Margaluri nenaten ç’areli var do, ğareli leksepe ik’itxesşi, k’oçepek goiç’imoşes. Amuşk’ule k’arari meçes do, emus ar Margaluri svara duxvenesk’on. Aşopeten, 2005 3’anas Fransiaş nananoğas, P’arizis na ren Kortuliş Avrop’aşi İnst’it’ut’i do Gamamçkumalobaş oxori “İnova3iaş” dudalaten Margaluri svarapeşi k’oro3xalis xolo arik, çxonaperi Laşa Gaxariaşi “İriatoni, Beç’ilia-Nabordişa” konanz’inu.
Svaraşa hedieten men3axeri ren audio-cd, so na Margaluri leksepe Laşa Gaxariak do svaraş edit’ori, Lia Narouşvilik ik’itxupan. Svaraş doloxe; Odabade, Ç’ara, Dğa Nark’vani (Nabordişa), Margaluri, Kutariaş 3’erili, Zuk’olia, Ton3’qu coxoni do didopeten ucoxe leksepe ç’areli ren.
“İriatoni” Margaluri tkvala ren do mteloras, iroteşa na ren, çkar na var ğurun ar mutxani şeni itkven. Edo iriatoni, iroteşa skidas Laşa Gaxariaş coxo do K’olxuri nena!
|
TÜRKÇE
