|
TURKİAŞİ MAARTANİ OPUTXALE: "VECİHİ K-6"
Vecihi Hurkuş, 6 3’anağani 1896-s Arnavutkoyis dibadu. Uskudarişi Fuyuzati Osmaniye Oşkenduri n3’opula oçodinu. Paşakapisişi Liseş k’ule Tophane Xeşnoxvenobaşi N3’opulas ik’itxu. Balk’anişi limas ak’atu gurişari oqopinot. Maartani Kianaş Limaşi geç’k’alas, Bağdatişi front’is memangene oqopinot ixandu. Ar oputxaluri bedigoç’verobaş k’ule Bağdatişen guiktu. Yeşilkoyişi Oputxaleş Fabrik’as ik’itxu. Maputxoce iqu. Maartani Kianuri Lima, Oxoşkvobaşi Lima do on3’uraneri armias maputxoce oqopinot ixandu. 30 Mbuloba 1928-s niçinu ti-muşis mç’ita şeritoni ti-moşletinobaşi madalioni.
“Vecihi K-6” coxoni jur k’oçoni ognapuri oputxaleşi p’roje ğaru Vecihi Hurkuşik 1924-s. Maartani oputxale muşi qu ar qonaşi doloxe Kiziltoprakis. 3aduri putxalapeti akonaşis oxor3elinu. Vecihi Hurkuşik putxu Kadikoyişen Yeşilkoyişa “Vecihi K-6” coxoni oputxale muşiten 1925-s. Maartani oputxale ixvenu sum tutaş doloxe 16 saat’i oxanduten ar ndğas. Maartani putxalape muşi ren 10, 10, 18 3’uti. Vecihi Hurkuşik putxu maartani oputxale muşi “Vecihi K-6” ten 150 saat’işen met’i oputxalaşi saat’iten 25.000 km.
“Vecihi K-6” coxoni oputxale ik’ont’rolinu int’erna3ionaluri k’omit’et’işk’elen Pragis. “Vecihi K-6” kianaşi st’andart’is na rt’u ik’abulineret’u. Vecihi Hurkuşik qu “Vecihi K-6” şk’ule “Vecihi-16”, “Vecihi-14”, “Vecihi-15” modeloni oputxalepeti. Oputxalepeşi mtel parçape, mot’oriş met’i imralinu Turkias. Vecihi Hurkuşik k’idu “Vecihi 3iviluri Oputxaleşi N3’opula” 27 St’aroşina 1932-s. “Vecihi-14” oputxale muşiten do 12 mamgure k’ala gamantanus kogyoç’k’u. Vecihi Hurkuşik z’iru dido p’at’i derdepe skidala muşişi çodinuri ndğalepes. Oputxalepe muşişa izni var niçinu oputxu şeni. Oputxalepe muşişi sigorta do entepeş faizepeşi borcepeş sebebiten, dobadonaşa na uxizmet’u şeni ti-muşis na niçinen ubağine xeşpasisti hacizi gidvinu. Ank’aras noşinepe muşi ç’arupt’uşi, kunişi di3xiriş dvaba aqu. Komaşa na amaxtu Vecihi Hurkuşik şuri muşi Ğormotis meçu, 16 X3ala 1969-s Gulhane Malimuri Medi3inaş Ak’ademiaşi Oxzabunes.
Muşi svara: Vecihi Hurkuş, “Ar Maputxoceşi Goşinepe”, Yapi Kredişi Gamamçkvalape, 2000.
|
TÜRKÇE
