DUDBUT'K'A

İRAK'Lİ PİR3XALAVAŞİ ST'İLİ MO3'ONDES RUSİALUREPEK!

İrak’li Pir3xalava dibadu Mosk’vas, 13 St’aroşina 1977-s. Muşi nanak ordu eya. İncineri na rt’u nana muşişi coxo Nana rt’u. İktiru anşi n3’opula. Çodinas, oçodinu oncironi sp’ort’uli ar n3’opula, n3’opulas uğut’u mçire Fransuli p’rograma. Didi izmoce uğut’u İrak’lis: unt’u oqopinu p’rofesionaluri ar k’uçxeburturi, mara muşi nanas unt’u İrak’lişi ok’itxu musik’aşi n3’opulas. Xut 3’aneri rt’uşi İrak’lik diguru kemanişi gelaçamu. Ok’ule, muşi izmoce ixor3elinu, 13 3’aneri iquşi, naşkvu musik’aşi n3’opula, FC “Lok’omot’iv”işi ağanmordaluri k’erk’elişa amaxtimu şeni. Mara dido iyaneret’u k’arieri oxvenu şeni sp’ort’işi speros. Xvalot ar şansi uğut’u: ar majura k’erk’elis osteru. K’uçxeburti meşkvinuşi k’arari meçu İrak’lik.

Ok’ule amaxtu musik’aşi speroşa şurdoguriten. 16 3’aneri rt’uşi, doloç’aru muşi maartani birapa p’rofesionaluri st’udias. Emoras “hip hop”işi st’ili uğut’u. Edo İrak’li rt’u maartani mamgure n3’opulas, “hip-hop”uri st’ili z’ikva na dolikunu. Muşi iptineri musik’uri k’erk’elis icoxinet’u “F.T.”. Ok’ule, “K do K” coxoni musik’uri k’erk’elişi mak’ature iqu. “Xçe T’u3a Doği”ti rt’u muşi z’egne majura musik’uri k’erk’elis. K’aset’uri doloç’arupe gamoçkves musik’uri k’erk’elot. İrak’lis uğut’u çinoberoba “hip-hop”is do duxvenu k’oroba didi doloç’aruli k’omp’anias, Mosk’vas. Muşi musik’a rt’u çkvaneri, Mosk’vas musik’a na ikipt’espeşa. İrak’lişi tkvalaten, muşi musik’a rt’u p’ozit’iuri do qoroponi. Namtini gecginape uğut’utina, mo3’ondes “hip-hop”uri st’ili xalk’ik. Muşi mtel musik’uri k’erk’elepe doskidu illegaluri.

Mk’ule oraş k’ule, dido p’at’i ondepe oğodus gyoç’k’u, muşi skidalas. Muşi k’erk’eli meşkvinu dvaç’irt’u. Muşi tkvalaten, muşi k’ai megabre, musik’uri k’erk’elişi mak’ature, gyoç’k’u oxmarus nark’ot’ik’ape. Ok’ule aids aqu emus do doğuru. İrak’li “R'n'B” coxoni musik’uri k’erk’elişa ak’atu, entepeşi musik’a rt’u dansoni do emuşeni. İrak’li idu musik’uri p’art’epeşa Mosk’vaşi k’lubepes. Rusi p’roduserepeşen ar teri na ren Matvej Aniçkinik ak’vandu İrak’lis ok’atu muşi ağani musik’uri k’erk’eli “Tet-a-Tet”is. Gemabirek k’abuli qu do muşi jur megabre k’ala arto ak’atu em musik’uri k’erk’elis. Am musik’uri k’erk’elik skidu otxo 3’anaşi morgvalis. Am musik’uri k’erk’elik qu ar albumi do mak’si-singli. İrak’li k’lubepes ibirt’u musik’uri k’erk’eli muşi k’ala arto. Edo eşoti içinu mtel Mosk’vas.

Na golilut’u k’arta oraten oxo3’onus kogyoç’k’u k’aixeşa, na ikipt’u dulya muşi va rt’u, muşi gurişi st’ili. Ok’ule, İrak’li ognu majurani p’roekt’i, noxvene “Fabrika zvezd” (“Muru3xi Fabrik’a”), “Fame Academy”işi Rusuli variant’i. İrak’lişi tkvalaten, var unt’u dodgitu ekonaşis mara, Maks Fadeevişi coxo p’roduseri ignapinuşi, mtel şupxepe muşi koguşibğu. Haşoten İrak’li naşkvu megabrepe do k’lubişi dulyape do gyoç’k’u muşi musik’aşi k’arieriş majurani farot. St’udialuri dulyape diçodu do muşi hit birapa “Vova-chuma”k (“Vova Griloni”) xe gedvu mtel radioluri list’epes, ar dudişen majuranişa mtel Rusiaşi Federa3ias do mcveşi Soviet’yari dobadonapes. “London-Paris” do “Vremia” (“Ora”) gamiçkvinu. Ok’ule, 2004 şi 3’anaşi çodinas, gamiçkvinu İrak’lişi iptineri solo albumi “London - Paris”.