|
MAGOMORGVEPEK OMORDİNUŞİ P'ROBLEMAPE İNÇ'ELAN!
K’oçepes, kianaşi eşopete mtelixolo dixape muşis ubargunan mara arxvala % 17 işi dixape muşis va ubargunan ya itkvalu. Amerik’as na kaiç’arinu goşogorak, “k’oçişen mendra kiana na va ren” koxo3’onapu. 3iviluri ar ok’obğaleş k’elen na ixvenapu do Scienceş k’rebulis na gamiçkvinu am noç’areş mamç’arepeşen Peter K’araevik, “K’oçepek kianas eşo nibargerenan ki, maçkinergomorgvepes, dido va rt’as nati k’oçişi xe na va nunç’işu dixapeş oçvaluşi oxomç’k’oba var do am mtinobaşi oxomç’k’inus do xolo am dulyaşi oktalu şeni dido mç’ipaşaşi osimadu dvaç’irnan.” ya tku.
Goşogoras, 1995 3’anas peykepeten na ixvenu menda3’k’omilupes, kianaşi arxvala % 17 is k’oçepek na va skidunan dido k’aişa oxoi3’onet’u. Am dixapeşi doloxe ziraat’i va ixvenen, gza va ren, serepes te va idvinen. Kianaşi gverdis ziraat’i do maskindinoba ixvenen. Zuğa do okianusepeşi otxo xolo k’un3’ulis ticaret’i ixvenen. Dido ek’osist’emak, amuşeniki ya doğuru yati kaiktiru. Am goşogoras k’iti na gyobaz’gu magoşogorepek; magomorgvepek, am xali şeni, k’oçepes na va nunç’işun dixapeşi oçvalu var do ek’onomuri odidanuşi p’roblemape k’ala obodinuşi renan ya tkves.
Ok’oxtimeri Xalk’epeşi Organiza3iaşk’elen na ixaziru 2007 3’anaşi raport’is, k’oçinobaş ist’oriaşi geç’k’aleşen doni maartani fara 2008 3’anas kianaş maxarobaşi gverdik noğapes skidasunonan ya itkvalen. Londras na oxoi3’onapu am raport’is, na moxtasunon 3’anas noğapes na skidunan k’oçepeşi maxarobak 3,3 milyari iqvasunon ya itkvalen. Am rak’amik 2030 3’anas 5 milyari iqvasunon ya na kaisimadinen am raport’is, am xaliti em 3’anapeşi kianaş maxarobaşi % 60 do3’opxasunon ya itkvalen. Oput’epe do ç’it’a noğapeşen na moxtasunon k’oçepeşi didopek fuk’arape iqvasunon ya na itkvalen am raport’is, noğapeşa mendaxtimapek ek’onomia muşi na irden dobadonapes, Afrik’a do Asias dido iqvasunon ya itkvalu xolo. Am oraşi doloxe am jur xolo k’itaşi maxarobak Amerik’a do Çini k’onari, yaniki 1,7 milyari iqvasunon yado kaisimadinen.
|
TÜRKÇE
