|
LAZURİ NAZİMİ: "100 LAZURİ LEKSİ"
Gamaçkvaloba muşi Tea K’alandiak na ikips Gamamçkumala İnt’elekt’işk’elen “100 Lazuri Leksi” coxoni svara Tbilisis gamiçkvinu. “Kartuli P’oezia” coxoni p’rojeşi maartani svara na ren noç’areşi maç’areloba K’axmeg K’udavaşk’elen ixvenen. Motvaş dizaini İlia Xelaianişk’elen xveneri na ren svaraşi magamaçkvaleşi grup’i; Eter Baidoşvili, Viola T’uğuşi, Marta 3’ik’lauri coxoni adamepeşen 3’opxineri ren.
Svaraşi amaxtimalas Zurab Tandilavaşi “Lazuri Xalk’uri Nazimi” dudaroni st’at’ia gedvaleri ren. Svaraşi maartani burmes; Selma K’oçiva, Yaşa Tandilava, Nazi Memişişi, Yaşa Bakraz’e, Sinan Badişi, Dato Bakraz’e do Xasan Helimişişi leksepe maleksepeşi mk’ule biografiapeş k’ule geç’areli ren. Majurani burmeti Lazuri xalk’uri leksepe do xalk’uri birabapek 3’opxups. Svaraşi çodinas odudepe do indeksi ren.
3’oxlenurot svaraşi “Kortuli Nazimi” coxoni p’rojeten gamiçkvinuk k’un3xi meçaps. İdia na ixvenu steri, am p’rojeş doloxe Margaluri do Şonuri leksepeşi svarapeş gamiçkvinu merağiten içvinen. K’un3xepeşen na var impulinen jur beciti temaşi maartani ren; Selma K’oçivaşi leksepe svaraşi geç’k’alas gedvinu do mteli leksepe muşi Kortulişa goktirinu, majurani ren; Lazuri nena do k’ult’uraşa didi amagepe meçameri na ren do gamiçkvineri Lazuri leksişi svara na uğun Yilmaz Avcişi leksepe çkar ugedvinu.
|
TÜRKÇE
