|
"ÇVENEBURİ" KAZİM KOYUNCU!
İmedi t’eleviziaş k’reat’ifiş grup’aşi, tema muşi Lazi mabirale Kazim Koyuncu na ren, “Çveneburi” coxoni jur burmoni dok’ument’aruli filmik, na iç’andinasunon ndğa çumers. 2006 3’anaşi St’aroşinaş tutas i3’irinasunon yado na ip’lanu mara sebebi muşi na var içkinen fakt’orepeşen na itehirinu dok’ument’aruli filmiş doloxe muepe ren yado imerağinen. Dok’ument’aruli filmi na 3’opxu grup’ak, am filmi k’ala mtelxolo Okorturas Kazim Koyuncu oçinapuşi, irişen didoti Lazepeş artneri di3xirişi mt’k’ubi cumalepe na uqonunan Margalepes oçinapuşi narği zdips. Ğura muşiş 3’oxleni 3’anapes Okurturas na i3’opxinu fest’ivalis k’onserepe na gedgeret’u do martalurot doptkvatna “Tbilisi” muç’o eşo na ok’an3’ureret’u Kazim Koyuncus, Okorturaş doloxe nç’elaşi monz’inu, irişen dido ğura muşiş k’ule albumepe muşi Okorturaşa na mendiğes Turkialuri çveneburi maqoropale muşiş xeten gyoç’k’u eşopete. Kazimişi dido birapak Okorturaşi musik’aş list’epes maartani iqvu.
Kazim Koyuncuk na 3’opxu do na gyoç’k’inu “K’olxuri Rok’i” do Margaliş-Laziş birabapeş oçinapu, Margalepes gurişmoxtime dudmo3'ondoba aqves. Mara, Okorturaşi k’oçepes Kazimi şeni çkinape do ambarepe dido va uğut’es. Am temaşi osimadurot, manoxvenepek Kazimi şeni ar dok’ument’aruli filmiş oxvenus kogedgites. Kazim Koyuncu mi rt’u, muç’oşi dulyape qveret’u, mk’ule skidala muşis na qu ugoç’k’ondurot namtini noxvenepe uğut’u steri temapes Okorturaş xalk’i oxo3’onapuşi osimadu kodolingones.
Dudmaxvencoba do mamç’araloba Giorgi K’alandiak, oz’iramuşi dudmaxvencoba Levan Lekiaşvilik, generaluri manoxvenoba Otar Şamatavak, mont’aji Nika Çeişvilik, matargame Mirian Maxaraz’ek, maç’k’uanoba Buba K’udava, Tea K’alandia do Givi G. Karçavak na qves dok’ument’aruli filmi şeni, Kazim Koyuncuşi skidala mç’ipaşaşi goşogoraps yado idia ixvenen.
|
TÜRKÇE
