|
UÇ'ARELİ LAZURİ LİT'ERAT'URA: "LAZURİ T'EKST'EPE"
Okorturaşi Ak’ademia Me3nierebaşk’elen 1972 3’anas Tbilisis na gamiçkvineren “Lazuri T’ekst’ebi - Lazuri T’ekst’epe” coxoni svaras, Guram K’art’oziaşi imza uğun. Redakt’oroba muşi Sergi Cikiaşk’elen na ixveneren svaraşi on3’uranu T. Todua, t’ekst’iş go3’k’omilu E. Bok’eria do maxant’oba G. Nadiraz’eşk’elen ixveneren.
Svaras; Aç’aras do Abxazias dobargeri Lazepeşk’elen nenalurot na ik’orobineren; p’aşurape, hekayepe, anekdot’epe, leksepe, andazepe do gamaçkinape steri Lazuri t’ekst’epe dilisvarineren do iptinerot aşo ar xanda ixveneren. Lit’erat’uruli mat’erialepe, Lazurişi Xopa do Arkabi-Vi3’e dialekt’iten iç’arineren. Lazuri t’ekst’epek folk’lori do nenaçkina şeni didi nç’ela yoçkinderen.
Jur burmeşen 3’opxineri na ren svaraşi maartani burmeşa; Xopaşi Sarpi, Azlağa do Mxigi coxoni oput’epeşen, Arkabi do Vi3’e noğapeşen k’orobineri p’aşura, hekaye do anekdot’i steri t’ekst’epe, majurani burmesti leksepe, gamaçkinape do andazepe doliç’arineren. Svaraşi çodinas t’ekst’epeşi matire do madudeşi coxope do na skidut’es dixape isvarineren.
|
TÜRKÇE
