|
İNT'ERNA3İONALUR SO3İALURİ SOLİDAROBAŞİ CEMİET'İ "MİZANİ"
İnt’erna3ionalur So3ialuri Solidarobaşi Cemiet’i “Mizani”, Okorturaş doloxe do gale akt’ivite oxvenu şeni 2006 3’anas ik’ideren. Muslimani mailaxiat’epeşk’elen k’ideri cemiet’ik; p’ansionepe, k’ursepe, yetimxanape otesisu do oktalu şeni ixandeps. Mizanik, na ik’idu ndğaşen doni; ek’onomiuri meç’iroba na n3’irups ocağepeşa meşvelu, fuk’ara do ğaribi berepeşi gamantanuşa omxvacu, Muslimani xalk’i Muslimanobaş temas gonç’k’iru şeni dido amagi meçaps.
Cemiet’iş noğirapeş doloxe; camepe, meçetepe, gzalepe, xincepe do 3’k’ariş arxepeş oxvenu do otamiru, ist’oriuli noxvenepeş oşinaxu; doncironi religiuri doguronepe, p’ansionepe, k’reşepe do doguronepeş ok’idu, omancelinu do oktalu; finansiuri p’roblema na uğun do miti na var uqonun berepe oçvu; ağanmordale do mamgurepeş gamantanus meşvelu; so3ias İslamiuri gonç’k’iroba omordinu; so3ias religiuri adetepe oskedinu şeni oxandu; so3iaşi adalet’uri, huk’uk’uri gagnapa omağalinu şeni ogairet’u ren.
Cemiet’ik, am noğirape muşi oxvenu şeni; bursi meçamu; k’onferansi, semineri do ok’oxtala o3’opxu; çkvadoçkva religiur-k’ult’uruli aktivit’epe, ok’oğarğalu do nç’aralobaşi serepe o3’opxinu; tercume do gamaçkvalaş (svara, gazeta, jurnali, broşuri) aktivit’epe oxvenu; religiuri dogurenepe, p’ansionepe, k’reşepe, oxen3aluri do xususuri dogurenepeşa meşvelu do omancelinu; ekonaşis gamantanuri k’onferansi, semineri do ok’oxtala o3’opxinu; dobadonuri do galenuri çkvadoçkva religiuri organiza3iape k’ala ok’ont’akt’u steri aktivit’epe ikips.
Cemiet’i Mizanik, Arabuliş k’ursi 3’opxups do anşi tutaş morgvalis na naqonops otxo k’uriş çodinas gecgineri mamgurepeşa sertifik’a meçaps. K’uraniş oguruşi k’ursi na 3’opxups cemiet’ik, mamgurepes p’ansioniş do oç’k’omaleş geç’areli var go3’umers do maotxani k’uriş çodinas gecgineri mamgurepeşa “K’uraniş Maşinaxeşi Sertifik’a” meçaps. K’omp’ut’eriş k’ursiti na 3’opxups cemiet’ik, sum tutoni p’eriodiş çodinas gecgineri mak’ursepeşa sertifik’a meçaps.
|
TÜRKÇE
