|
SAAK'AŞVİLİ: "TURKİAS MEVOXOSART"
Okorturaşi P’rezident’i Saak’aşvilik, Abdullah Guli k’ala na 3’opxu p’resaş ok’oxtalas, dobadona muşişi oğodape şeni “Okorturati Turkia steri demok’rat’iuri dobadona ren, dido etnik’uri tere ren. Turkias mevoxosart.” ya tku. 2003 şi 3’anas ‘Dadalişi gektala’ k’ala xe3ala na aqu, çodinuri p’eriodis mo3’qva na unt’u muxalifepeşa ekst’remi xali na ognapu, sansuri do şiddet’i oxvenuten k’un3xi na meçu Okorturaşi P’rezident’i Mixeil Saak’aşvilik, dobadonaşi demok’rat’ik’obaş p’roblema na k’itxes jurnalist’epes gok’vironi ar coğabi meçu.
Okorturas Baku-Tbilisi-K’arsiş rk’inaşgzaşi temeliş seromoniaş k’ule P’rezident’i Abdullah Gul do Okorturaşi P’rezident’i Mixeil Saak’aşvilik p’resaş oşkendari ok’oxtala 3’opxes do jurnalist’epeşi k’itxapeşa coğabi meçes. Gulik, “Namtini manz’ageri terepek na qves oxo3’onapaşi toliten, çodinuri p’eriodişi oğodapeşi sebebiten Nat’oşi mak’aturobaş temas, Okorturaşa p’roblemape golidvinasunon yado k’oment’arepe şeni mu isimadept” yado k’itxaşa; Balk’ania do K’avk’asiaş Avrop’aşi doloxe oqopinu şeni mevumxvacupt ya tku. Nat’oşi mak’aturobas namtini şart’epe uğun do antepe oxvenu dvaç’irs ya na tku Gulik, “Okorturak, demok’rasia muşi na ok’ap’et’anu ordonuri 3xunaşi k’arariten o3’iru. Am temas çkar p’roblema iqvasunon yado var vicer” ya tku. Gulik, Okorturaşen ar k’elenurot timoşletinoba na ognapu Abxaziaşi go3’oncğoneriş Turkiaşi mok’itxuşa izni umeçamu şeni k’itxaşati “Okorturaşi dixaş artonobaşa becitoba mepçapt” yado coğabi meçu.
Saak’aşvilikti “Okorturaşi demok’rat’iuri p’roblemape molaşinit-i, Turkiaşi am temas omxvacu şeni mu isimadept” yado k’itxaşa aşo coğabi meçu: “Okorturati Turkia steri demok’rat’iuri ar tere ren. Okortura menceloni muxalefet’i ren do mk’ule oraş k’ule oxoşkvineri do transp’arani 3xuna ixvenasunon. 3xunaşa dido becitoba mepçapt. Doguronepesti direkt’orepe konseişk’elen i3xunen. Okortura, Turkia steri dido etnik’oni dobadona ren. Am temas Turkias mevoxosart do Turkiaşi 3adapeşen faide bz’iropt. Ekst’remi xaliş oras, şiddet’i do yedgitinu var yeçkindas do k’rizişen komovuçitat yado P’rezident’obaşi 3xuna vognapit” ya na tku Saak’aşvilik, “Aya meç’ireli xalişen 3xuna k’ala moşletinu vimendupt” ya tku. Guli k’ala Okorturaşi 3xunaşa Turkiaşen maxosarepeşi ok’atuş tema şeniti ok’oviğarğalit ya na tku Saak’aşvilik, 3xuna dido transp’arani do demok’rat’iurot ixvenasunon yado imendi miğunan yadoti noqonu.
|
TÜRKÇE
