|
OŞKENDURORAS ABXAZEPE DO LAZEPE
“Oşkenduroras Abxazepe do Lazepe” coxo gedvaleri svara, Gamamçkumala Nartişk’elen 3’ilva 1993 tariğis Gerg Amicbaşi imzaten gamiçkvinu. Originali muşi, Soxumis 1983 3’anas Gamamçkumala Alaşaraşk’elen na gamiçkvinu svaraşi goktiru, Hayri Ersoyişk’elen ixvenu. Svaraşi 3’oxleni dumburis Abxaziaşi ist’oriuli suratepe, k’ap’ulaşi dumburis Abxazepeşi Mapa Leon 2 şi surati gez’in.
Am monografias mamç’arek, 4- 6. oş3’anuraşi şkas Abxazi etno-oktaluri yeçkindinupe, Egrisişi (Lazik’a) Mapanoba k’ala p’olit’ik’uri k’ont’akt’epe; 6- 10. oş3’anuraşi şkas Abazgia, Apsilia do Egrisiş xalk’epeşi maişgale-imp’erialist’i mencelepe na rt’u Bizansi, Acemi (İrani), Arabi mencelepeşa artot nodgitinu, mcveşi Bizansiuri do Kortuli ç’areli odudepe k’ala, ilmiuri goşogoraşi donepeş notanuten goşigorups.
Otxo burmeşen 3’opxineri svaraşi maartani burmes; Abxazia k’ala Egrisişi (Lazik’a) etniuri yeçkindinupe, majurani burmes; Abxazi, Lazi do Kortupeşi 6. oş3’anuraş timoşletinobaşi limape, Abxazi do Lazepeşi 6. oş3’anuras Bizansi do İrani k’ala ok’vak’idinape, Abazgiapeşi oxoşkvaşi limape, Apsiliapeşi yeçkindinu, 6. oş3’anuraşi 50-oni 3’anapeşi geç’k’alas Egrisiş dixapes İrani k’ala Bizansişi limape, Misimianurepeşi yedgitinu, İrani do Bizansişi mo3’qvinu do K’olxa şeni am oğodaşi becitoba, masumani burmes; t’erit’oriaşen Bizansi do Arabi maişgalepe get’k’oçinu şeni na ixvenu meç’ireli xandape, 7. oş3’anuras Abxazi, Lazi, Kortu do Bizansiş xalk’epeşi artikarti k’ala na uğut’es k’ont’akt’epe, Abxazi, Lazi do Kortu xalk’epek Arabepe k’ala na qves limape, maotxani burmesti Abxazi Mapanobaşi ok’iduşi temape goşigorinen.
Ok’vandinuşi t’ilifoni: 0216 367 35 27
|
TÜRKÇE
