|
LAZURİ OXOREPE MOİ3'İPXASUNON
İst’oriuli Lazuri oxorepe, map’ansionelobas oxmarinuten t’urizmişa moiginasunon. Mo3’ipxuşi p’eriodiş meşveluten Yulva Uçazuğaşi ist’oriuli majura binapesti na axandinasunon ust’ape gamaintanasunon. Vi3’eşi k’aimak’ami Erkan Kiliçik, kva yepşeri oxorepe t’urizmis oxmarinu şeni “Yulva Uçazuğa do oput’uri arkit’ekt’uraşa rest’orasioniş p’ersonelişi gamantanuşi p’roje” na ixazirinu do 57 şilya Avro butçeloni p’rojek Avrop’aşi Artonobaşen hibe na mogu ognapu.
Kiliçik na meçu çkinaten, noğas a3’i 15 dane K’ult’uruli Renobapeşi Oçvaluş K’omisiaşk’elen itescilineri mtelot 165 dane ist’oriuli Lazuri oxori kodgin. Kvaşi jin ar k’atoni k’ideri oxorepes, pi3arişi k’ark’asiş şkas yepşeri kvaşi ğocepe uğun. 3’oxle mutepeşis na dgin naila do doloxe mutepeşis na goşadgin çaepunapeten k’omp’leksi z’irapa na uğunan oxorepe doloxenk’elen mtelot pi3arişen noxvene ren.
Oxorepe şeni valiloba k’ala arto vixandept ya na tku Kiliçik, “P’roje, Uçazuğaşi T’eknik’uri Universit’eşi Arkit’ekt’uraşi Fak’ult’e k’ala p’atminonan. Xemaxvenconi ust’ape, onç’eloni k’oçepe gamantanuten do noğa çkinis na ren kva yepşeri oxorepe mo3’ipxuten t’urizmis oxmaru minonan. Na bgamamtanaten ust’apes artneri oras Yulva Uçazuğaşi majura oxorepeşi mo3’ipxuş xemaxvencobati aqvasunonan” ya tku.
|
TÜRKÇE
