DUDBUT'K'A

OFİ3İALURİ İST'ORİAŞİ GE3ADA: ABXAZİAŞİ İST'ORİA

Maartani k’oro3xa muşi Abxazurot 1992 3’anas Abxaziaşi noğa Soxumis na gamiçkvinu ‘Abxaziaşi İst’oria’ coxoni svaraşi majurani k’oro3xa, Gamamçkumale Asyayinişk’elen Pukrik’a 2000 tariğis Mp’olis gamiçkvinu. Abxaziaşi Oxen3aluri Universit’eşi Abxazuri İst’oria do Etnologiaşi mamgurapalepeşen Doç. Dr. Valeri Beyguaşk’elen na iç’arinu svara, Abxazurişen Turkulişa Mahinur Tunaşk’elen goiktirinu. ‘Apsini Atovrih’ yado originaluri coxo na uğun svaras, geç’k’ala muşişen 1921 3’anaşakis Abxaziaşi p’eriodi molişinen.

Svaras; Abxaziaşi dixapes maartani adamiş oz’iru, Antik’uri p’eriodis Abxazi k’abilepe, Abxaziaşa Krist’ianobaş moxtimu, Abxaziaş Mapanoba, 11. oş3’anuraşen 15. oş3’anuraşakis Abxazia, 16. do 17. oş3’anuras Abxaziaş p’olit’ik’uri xali, 18. oş3’anuras Abxazias so3ialuri do ek’onomik’uri skidala, Abxaziaşi Rusiaşa mek’irinu, 19. oş3’anuras Abxazepeşi demografiuri xali, K’avk’asiaşi lima, Abxaziaşi Mapanobaş nik’arbinu, 1866 3’anaş yedgitinu, 1867 3’anaşi uçvinu, 1870 3’anaşi reformi, 1877 3’anaş yedgitinu, Osmanuri-Rusuri limaş oras Abxazia, Didi uçva, 20. oş3’anuras Abxaziaş k’ult’uruli skidala, Abxazias maartani Rusuri gektala, Majurani Rusuri burjuvaşi demok’rat’ik’uri gektala, 1917 3’anaş gektalaş oras Abxazia, Kortupeşi p’eriodis Abxazia, Abxazias Soviet’uri xe3ala dç. temape geiç’arinen.

Beyguaşi “Abxaziaşi İst’oria” coxoni svarak, Abxazepe k’ala manz’ageri majura xalk’epeşi oşkendas na ren dostobaşi, arxvala ğomaneri do andğaneri vardo ç’umeneri ndğalepe muşiti om3’k’upinus ikaçen. Beyguak, svaraşi “Çodinaştkvala” burmes ar k’ele “…m3udineri ist’oriaten Abxazepe ağneburot mek’arbinuşi t’eorepe omraluş kogeç’k’es.” ya otkuten uraxat’oba muşişen molaşinaps do majura k’eleti ofi3ialuri ist’oria na nobaz’gaps mengaperi ist’oriuli xandapes na ixvenen steri, etnik’uri t’erminepe, geografiuri coxope do p’olit’ik’uri xalepe p’erioduri vardo Abxazuri cinconot, ist’oriaş doloxe umek’vatoni do xemudvoni tarziten oxo3’onapaps.

Ok’vanduşi t’ilifonişi nomeri: 0216 345 36 96



                                                                                                                                                              TÜRKÇE