|
SARPİŞ SABAJOŞİ NA VAR İÇODEN ÇİLE
Turketişi K’avk’asiaşa na guin3’k’en irişen beciti sinorişi nek’napeşen ar teri na ren Sarpiş Sabajos çile var içoden. Okorturas 27 Xrist’ana 2005 tariğis na geiç’k’inu ağani k’anoniş k’ule mankanapeşi t’onaji şeni namtini orapes p’roblemepe na gamulun şeni dido t’irepe gzas jin ok’uibğenan. Okorturaş k’eleni Sarpiş sabajo moderniza3ia xveneri na var ren şeni, t’ek’niuri do p’ersonaluri dobağunoba na var uğun şeni nek’nas aşo do mengaperi p’roblemepe gamulun.
2005 3’anas Sarpiş sabajoşen 570 milyon dolari k’onari gamaçamuş k’apasit’e ixvenu. Am gamaçamu didopeten dixaşgza k’ala Sarpiş sabajoşen ixvenu. 2005 3’anas doloxe 16.700 3’ali Turketuri mankana do 6.000 3’ali Okorturuli mankana, Turketişen Okorturaşa, Okorturaşenti Turketişa manje tires. 6.000 3’ali mankanakti Okorturaşen t’ransit’i mek’iles do majura terepeşa manje tires. Sarpiş sabajos namtini orapes t’irepe na ok’ibğenan şeni dixaşgzaten matirobas negat’iuri mutxanepe ağoden.
Nek’naşi gon3’k’imuten megabre do mzaxalepes artikarti az’irenan, ç’anda do ğuraş orape steri k’ai do p’at’i ndğalepes artikarti mak’itxenan, t’urist’uri goxtimuş p’rogramepe axvenenan, so3ialuri, k’ult’uruli, xeşnoxvenuri do sp’ort’uri ak’t’ivit’epes, lok’alurot t’urist’uri do gamaçamuri dulyape irden. Amuşi sebebepeten na gamulun p’roblemepe do na in3’irinen çilepe acilurot oçidinu ç’irs.
|
TÜRKÇE
