|
OP'ERET'İ AYŞE AĞNEBUROT…
Op’eret’i, P’arisi do Viyanas, 19. oş3’anuraş çinoberi ar sort’i ren. Op’eret’i içinu Gullu Agop Efendişi xeten Osmanuri dobadonas. Resp’ublik’aş p’eriodişi op’eret’iti ignu Muhlis Sabahattinişi coxo k’ala artot. Muhlis Sabahattini itkvinaşi, 1929-s obestineri “Op’eret’i Ayşe” goişinen. Op’eret’işi tema aşo ren: Xampapek Mp’olis okroşi 3’anape skidunan. Neşe ren mskva ar k’ulani. Xonari muşiti dido mskva na uğun Neşek ibirs birapape am p’eriodişi çinoberi ar k’afes. Ayşeti ren ar oput’ari k’ulani. Necmi Paşaşi biç’i Ahmetik qorops Neşeti, Ayşeti. Ayşe ren jurşuroni ti-muşişen. Aya na ognaps Ahmetik naşkumers Ayşe, muşi oput’es. İmt’en çiftluğişen do Mp’olişa ulun. Ayşeti qorops Ahmeti do var unon gondinu eya. Emus noqonuten Veli cumadi k’ala artot ulun didi noğaşa. Ahmeti imt’en. Ahmeti gulun Avrop’as. Ugeç’areli kodoskidun. Çiftluği gamaçapaps Xasanis. Ti muşi oqviluşi gza gorups. Em 3’anapes na isaxninu op’eret’i Ayşes am maxeşnoxvenepes uğut’eren rolepe: Suzan Lutfullah, Toto Karaca, Melek Muhlis Sabahattin, Necla Kemal, Şevkiye May, Lutfullah Sururi, Omer Aydin, Salah Cahit, Kemal Rifat, Beliğ Selonu, Mehmet Ali, Reşit Gurzap, Avni Dilligil, Lutfi Ay, Celal Sururi, Muammer Karaca.
Murenki, op’eret’i Ayşeşi not’a do t’ekst’i kogonduneren, Muhlis Sabahattinişi ğura şk’ule 1947-s. Genomskide xvalot Gulriz Sururişi baba Lutfullah Sururik 1966-s Mp’olişi Radio şeni radiofonize na qveret’u, op’eret’i Ayşeşi melodepeşi vitoxut 3’utoni burmeşi ar k’aset’i doskideren. Gulriz Sururik am doloç’arapeşi xe meçamuten, xazireren ağani ar t’ekst’i do k’oroberen muşi musik’ape. Gulriz Sururik ç’areren op’eret’i Ayşe ağneburot. T’ekst’i qveren adap’t’a3ia andğaneri ndğaşa. Gulriz Sururişi t’ekst’is; Ahmetik var imt’en çiftluğişen, Ayşe jurşuroni na ren, oxo3’onaşi. Ahmetiş k’ap’ulaşen Veli cumadi k’ala Ayşe var, arxvala Ayşe nulun. Ahmetik var gulun Avrop’as. Ugeç’areliti var doskidun. Var gamaçapaps çiftluğiti Xasanis. Ti muşi oqvilu şeniti gza var gorups. Op’eret’i Ayşe, 1930-epeşi Turkia, Ege do Mp’oliten jur çkva sva mo3’irapan. Am 3’anapeşi p’aramituri Mp’olişi skidala, Muhlis Sabahattinişi melodepe, çarlist’onepe, t’angope, fokst’rot’epe do valsepe isağinen. 3’k’ondoba muşi na çumers oput’eşi skidalati, zeybek’i do halayepeten isaxninen.
60 3’ana şk’ule xolo na isaxninu op’eret’i Ayşeşi ginz’enoba ren 2 saat’i do 40 deik’e. K’adro muşi aşo ren: Maç’arale: Gulriz Sururi, Rejisori: Engin Cezzar, Musik’aşi direkt’ori: Selim Atakan, K’oreografi: Selçuk Borak, K’ostumiş mazmonale: Sadik Kizilağaç, Dek’orişi mazmonale: Ali Cem Koroğlu, Teşi mazmonale: Yakup Çartik, Rejisorişi manuşvale: Ahsen Gul Ever, Musik’a: Muhlis Sabahattin, Dansişi rejisori: Ayşe Kutlu Sun, Masağalepe: Dolunay Soysert, Hazim Kormukcu, Ceyda Duvenci, Sinan Tuzcu, Jeyan Ayral Tozum, Gulumser Gulhan, Oğuz Oktay, Metin Goksel, Hikmet Karagoz, Orhan Aydin, Yaman Tarcan, Evren Piravadili, Elif Çakman, Bilal Çatalçekiç, Şirin Keskin, Koray Onur, Ayşe Çakar, Ahsen Ever, Muge Zumrutbel.
|
TÜRKÇE
