|
İST'ORİULİ "APSİLİA DO 3ABAL"
Asyayini do organizasionik, 2001 3’anas Mp’olis, ist’oriuli seriaşi masumani svarot antik’uri Abxazuri t’omi Apsilurepeşen na molaşinaps, Apsilia do 3abal coxoni svara kogamoçkvu. Papa-pha Mahinur Tunaşk’elen na ixazirinu svaraşi redak’sioni Liy-pha Gul Yilmazişk’elen ixvenu. Svaraşi doloxe; Go3’otkvala, Amaxtimala, Apsilia do 3abalişi ist’oria, 3abalişi k’ult’ura do oxaçkupe, 3abalişen uçva, 1867 3’anas Dal do 3abalişen na ni3’k’es Abxazi ocağepeşi list’e, 1867 3’anas Bzip, Guma, Abjivaa, Soxum do Gulripşen na ni3’k’es Abxazepe, Diasp’oras 3abal steri temape noç’ars.
Svaraşi doloxeni but’k’as; “3abal, Apsilurepeşi xeşnoba do k’ult’uraşi ok’rebule na rt’u k’onari ek’onomik’uri, p’olit’ik’uri do religiuri ok’rebuleti rt’u. 3abal, andğaneri Abxaziaş ok’rebule na 3’opxups st’rat’egiuri becitoba na uğut’u k’orta rt’u. Bizant’ia do Romaşi odudepeşi toliten; Ağani Afonişen Oçamçireşakis na golaz’in zoğap’ici k’ala K’avk’asiaşi serialuri germapeşi k’ortapes xe na modumers Marixu do K’olhorişi vadepeş şkas doskidineri do Abxaziaşi iptineri p’olit’ik’uri do k’ult’uruli ok’rebule na rt’u 3abal, antik’uri orapes Apsiliaşi nananoğa rt’u. Oşkendurorapes ok’rebule Soxumi iqu. Abxaziaşi oxen3aluş p’eriodis maartani p’olit’ik’uri ok’rebule oqopinuşi xususoba na uğut’u 3abal, irişen dido mskvanoba na uğut’u dixapeşen ar teri rt’u. Akonaşis na ixvenu ark’eologiuri oxaçkupek oxomo3’onapes; Apsilia, arxvala mağali rak’anepes, cixaşi mot’axeri ğocepeş şkas na iz’iru seramik’aş not’axepeten vardo antik’uri do k’ult’uruli xampobaten molaşinu na unon” yado iç’aren.
Svaraşi k’ap’ulaş but’k’asti; “Apsili yado coxos maartanot, İO 2000 3’anaş çodinas Asurepeşi Mapa 1. Tiglat Palasarişi t’abletepes 'Abeşla' yado inaginen na zop’onan çkinerk’oçepek, 'Abeşla' coxoni antik’uri xalk’i Apsilepeşi p’ap’ulepe rt’es do antik’uri oraşi maç’aralepek İU 1. oş3’anuras Apsiliaşen dido na molaşinapt’es iç’aren. Apsilepe K’odorişi rubaş gomorgvas dibargerenan. Let’ape muşi K’odorişi ğaliş morgvalis na golaz’in Apsilias dido cixa gedgin. Am cixapeşen ar teri maxirale k’abilepeşi nank’apapeşen oşlu şeni K’odorişi ğaliş xolos na ren rak’anepeşen ar teris geik’idineren. Am cixaşa, 3iblin, yani 3abalişi cixa itkven” yado iç’aren.
Ok’vanduş t’ilifonişi nomera: 0216 345 36 96
|
TÜRKÇE
