|
K'UÇXE BEDİNERİ MOXTİ SAK'ARYASP'ORİ
3'oxleni 3'anapes Turketişi maartani ligas na istereret'u, eşo mç’ipaşaşi-ti 1987-1989 3'anapeşi şkas Turketişi maartani ligaşi menceloni tak'imi iqveret'u. 1877 3'anaşi K'olxetişen moxtimerepe didopeten na skidun noğaşi t'ak'imi na ren Sak'aryasp'orik ağanaburot xolo Turketişi maartani Sup'eriuli ligaşa kayextu. 1988 3'anas, Sak'aryasp'orik Turketişi Federa3iaşi k'upa kaezderet'u do em sezonisti masuma iqopunoburot liga doçodineret'u. Em periyodişi jur-sum 3'anas, Turketişi maartani ligas furtuna steri ibart'u do xolo em orasti didopete Marmaraşi K'olxi mak'uçxeşbultepe uqorunt'u Sak'aryasp'oris.
Turketişi mtelixolo didi gurami tak'imepeşi izmocenoburot şkurna mutepeşi rt'u, Mp'olişi dido k'ap'et'işi t'ak'imepe, 4-0, 5-0 steri sk'orepete na ocgineret'u dido orape iqveret'u Sak'aryasp'oris. Muç’o eşo, Marmaraş K'olxepeşi dudiş mo3'ondobaşi semboli, gurami mutepeşi iqopineret'u.
K'uçxe bedineri moxti Sak'aryasp'ori çkini. Si mtelixolo oras Marmaraş K'olxepeşi dudiş mo3'ondoba, semboli do gurami mutepeşi oqopinoburot jvarişi dixapes isteraginon do eşopeten gecginobape skanis naqonaginon.
|
TÜRKÇE
