DUDBUT'K'A

DUDNAZİRİ SUAT HAYRİ URGUPLU

Suat Hayri Urguplu dibadu 13 Mariaşina 1903 tarixis, Şamis. Osmanuri dobadonaşi kianuri maartani limaşa ok’atuşi fetva na meçeret’u Şeyhulislami Urgupuri Hayri Efendişi skiri rt’u. Laleşi p’eriodiş sadrazami Nevşehiruli Damat İbrahim Paşaşi tasişen rt’u. Galatasarayişi lise do Mp’olişi Hukuk’uri Fak’ult’e oçodinu. Turkia-Grek’iaş 1924 3’anaşi nak’onobaş ok’ouçvobaşi maxkemepes ixandu.

Mp’olişi k’omer3ialuri maxkemes xakimoba qu (1929- 1932). 1939 do 1943-s K’ayserişen dep’ut’at’i i3xunu. Şukru Saraçoğluşi majurani xe3alas iqu Gumruk’i do Monop’oliaşi Naziri. Onazirobas, k’axveşi amaeç’opas ugzalobaşi getkvalape yeçkinduşi, naşkvu post’i muşi muşebura. Ok’ule imaxkeminu Mağali Divanis do uk’abaxat’oni na rt’u koxoi3’onu.

1950-s, xolo goiktu meclisişa. 1952-şakis Demok’rat’i P’art’iaşen K’ayserişi dep’ut’at’i iqu. Avrop’aşi Ok’otkvalobaş Meclisişa iqu dudmaxvanceşi manuşvale. 1952-s ok’oi3’k’u p’arlament’oşen. Dudelçi iqu Bonişa. İqu dudelçi 1955-s Londonişa, 1959-s Vaşingt’onişa, 1960-sti Madridişa. 1961-şi 3xunas, i3xunu K’ayserişi senat’ori Adalet’işi P’art’iaşen. İqu maartani dudmaxvance Resp’ublik’aşi Senat’oşa. 1965-sti iqu Dudnaziri. 1966-şen 1972-şakis k’ont’enjanişi senat’ori iqu. 1981-s şuri muşi meçu Ğormotis. Fransuli, İnglisuri do Germanuri na uçkit’u Suat Hayri Urguplu rt’u ar bereşi baba.



                                                                                                                                                              TÜRKÇE