DUDBUT'K'A

AR "NBA"Ş İZMOCEŞİ ÇODİNA: VLADEMİR STEPANİA

1997 3'anas, Sloveniaşi menceloni em 3'anapeşi sup'erit Basketboliş t'ak'imi Smelt Olimpiak, Avrop’aş Superit Basketboliş K'upas (FİBA) final four is rt'u. Smelt Olimp’iaşi irişen sup’erit mabasketbole, 1976 3'anaşi dobadineri, ribaunt'i do p'oint'işi k'ategoriapes mtelixolo ligapes jurrak'amoni ist'at'ist'ik’epe k'ala na istert'u Vlademir Stepania rt'u. Final Four diçoduşi Smelt Olimp’iak masuma iqu, am organiza3iaşi çodinas Euro Ligaş em 3'anaşi eni k'ai ağanmordale p'ivot'i do eni k'ai ağanmordale mabasketbole Vlademir Stepania i3'opxinu.

Do emuşeni, Barcelona, Real Madrid, Panat'hinaikos, Olimp'iak'os, Stefanel Milano steri dido didi divi t'ak'imepeş t'rasferiş list'epeşi maartani numaras rt'u Stepaniak. Ar 3'ana xolo Smelt Olimpias isteruş k'ule ordoşen NBA (Amerik'aşi Na3ionaluri Liga) şa, Seatel Super Sonic işa mendaxtu. Uk'açxe New Jersey Nets, Miami Heat do ekşenti Portlan Trail Blazers işa mendaxtu. Jur do gverdi 3'anaşen doni burgilişi p’roblema k'ala dido na ğarbi uğun Vlademir Stepaniak p’ia NBA şa çkar ve mendaxtat'ukon na, a3'işakis Avrop’aşi menceloni t'ak'imepes isterat'ukon na, umosi k'ai iqvasunt'ur-i?

Avrop'aşi menceloni ligapes, Euro Ligas (Avrop’aşi Sup'eruli Basketboliş Liga) an3'ineri orapes Vlademir Stepania steri pivot'epe dido dvaç'irs. Muşeni do, Avrop’a do emuşi xolos na ren dobadonapeşi ağanmordale mteli xolo cgiro p'ivotepek eşo ordoşen NBA işa mendaxtes do na doskides cgiro ağanmordale p'ivot'epekti xolo eşo ordoşen NBA işa mendaxtimi şeni ndğalepe k'oro3xupan. Aşo ağanmordale p'ivot'epeşi didopekti NBA şi monk'anobas kogoindinenan.



                                                                                                                                                              TÜRKÇE