DUDBUT'K'A

SAXAFEPEŞİ ÇARÇİ

Saxafi ren Arabuli nena. Xmarineri svara na gamaçapt’u mitxanis coxont’u mcveşi orapes. Saxafepeşi çarçi ren irişen mcveşi masvarepeşi çarçi. Çarçi geladgit’u Motrageri çarçişi Mafesepeşi nek’na k’ala meçeti Beyazitişi şkas. Osmanuri p’eriodis, medresepeşi gomorgvas goşadgit’u saxafepeşi dukyanepe. Motrageri çarçişi ok’idoba 1460-oni 3’anapes diçoduşi, dukyanepeşen namtinepe niçinu saxafepes. 1894-s na yeçkindu Mp’olişi didi dixaşk’ank’alaten Motrageri çarçis na yeçkindu oç’vaşi sebebiten, saxafepek naşkves Motrageri çarçi do andğaneri svas kodibarges. Saxafoba rt’u beciti p’rofe3iapeşen ar teri ora muşis.

Saxafobaşi p’rofe3iak yeçkindu 15 varna 16. oş3’anuras Fatih do Beyazit steri meçetepeşi gomorgvas, medresepeşi magurepes svara gamaçamuten. Mcveşi orapes, saxafepeşi dukyanepek ixandept’u, a3’i mayorğanepe na geladgin burmes. Evliya Çelebişi coxote ç’arelepeşi toliten, çarçis jurneçdovit saxafuri dukyani kort’u do ak sumoşi k’onari şuri ixandept’u. Saxafepes uğut’u ierarkia. Ust’a, k’alfa do çirağepe rt’es mek’ireli lonca na itkvet’u k’orp’ora3iaşa. K’arta saxafis oskedinu uk’ort’u çiraği, k’alfa, ust’alobaşi p’eriodepe 3’orot. Saxafepeşi dukyanepe guin3’k’et’u do geink’ilet’u xvamaten k’arta ndğas. Osmanuri skidalas, k’arta lonca, k’arta p’rofe3ia uqonut’u piri na itkvet’u ar xçetomoni. Basraluri Abdullah Yetimi Efendi işinen saxafepeşi piri. Em p’eriodis; hattatepe, mucellitepe, muzehhepepe, makart’alepe, mak’alemt’raşepe do mamurekkepepeti goladgit’u saxafuri dukyanepeşi gomorgvas.

Saxafepeşi çarşis aqu didi ar oç’va 1950-s. Mp’olişi Belediyek k’idu çarçi ağneburot. Saxafepek dibarges ağani k’ideri dukyanepes 1952-s. 3’oxleneri orapes, ist’oriuli noxvene do xeten ç’areli, kvaşgamoçkva do mcveşi boncapeten ç’areli svarape gamiçinet’u. Andğaneri ndğas didopeten magurepe do t’urist’epeşa svarape gamiçinen saxafepeşi çarçis.



                                                                                                                                                              TÜRKÇE