DUDBUT'K'A

GALATAŞİ DUDİRA

Galataşi dudira ixvenu, Galataşi cixaşk’idapeş doloxe na geladgit’u irişen mağali svas, 1384-s. Em orapas raioni Galata rt’u Cenevizurepeşi k’olonia. Galataşi dudira ixmarinu Yeniçerepeşk’elen Osmanuri İmp’eriaşi iptineri p’eriodepes. 16. oş3’anurasti rt’u Osmanuri zoğaşmencelepeşk’elen ç’op’inerepeşi obargale. 1566-şen 1574-şakis Osmanuri dobadona na oktalapt’u 2. Selimişi xe3alas, Galataşi dudira iağaninu do ixmarinu oxosaruşoxorot. 1695-şen 1703-şakis Osmanuri dobadona na oktalapt’u 2. Mustafaşi xe3alas, Şeyxulislam Feyzullah Efendi do ar Cizvitişi p’ap’azik gores ar oxosaruşoxori ok’iduşi gza dudiras. Murenki var iqves gecgineri. Galataşi dudira iç’vu Galataşi didi oç’vas 1794-s. 1832-s, 2. Mahmutişk’elen xolo ik’idinu.

Dudiraşi k’onik’uri dudi putxu ar furt’unas 1875-s. Mara var iağaninu ok’uleni rest’ora3ias. Dudira ixmarinu oç’vaş oxosaruşi st’an3iot 1964-şakis. 1967-s t’urist’uli odulyoba şeni na guin3’k’u ndğaşakis rest’ora3iaşi dulyapeş sebebiten doskidu genk’ileri. Am rest’ora3iaşi oras k’onik’uri dudi muşi xolo geidginu. Galataşi dudiraş zomape Cenevizurepeşi p’eriodis na rt’u steri, ren yado isimadinen. Dudira Halicişi zoğap’icişen 425 met’re mendranobas, zoğaşenti 35 met’re mağalobas na geladgin ar rak’anis jin gejak’ideri ren.

Dudiraşi amaxtimonis na gez’in kitabes vitoanşi misraloni ar metxiye noç’ars. Am metxiye ç’areli ren Pertevişk’elen 2. Mahmutis. Dudiraşi galeni t’abuşi k’alibre 16,45 met’re, doloxeni k’alibreti ren 8,95 met’re. K’idapeşi p’ecinoba ren 3,75 met’re. Amaxtimoni k’at’i ren mağali. Amuşk’ule çxoro k’at’i çkva kuğun. İrişen jile k’at’is geladgin seyrişi gamak’ideri. Tudeni k’at’epeşi pencerepe renan gon3’k’imerobas. Maanşani do maşkvitani k’at’is na geladgin pencerepe renan umosi mçire. Maovrani k’at’is na geladgin pencerepe renan xut’ali formas do mçire. Maçxorani k’at’işi pencerepe renan didi mok’irk’oni. Omjores mçire amaxtimoni, amaxtimonişi lobi na ren holişa guin3’k’en. Akolen yeixtinen maşkvitani k’at’işa lift’iten. Lift’işi jin iz’iren Muxteşemi Suleymanişi Dudressami Matrakçi Nasuxişk’elen 1535-s xveneri bronzi rolyefi. Oxosarobaşi gamak’ideri ren 51,75 met’re mağalobas t’abuşen. K’onik’uri dudişi geç’k’alaşi k’un3’uli ren 62,59 met’re t’abuşen do dudişi k’un3’uliti ren 69,90 met’re mağalobas artneri t’abuşen.



                                                                                                                                                              TÜRKÇE