DUDBUT'K'A

AR FİLMİ: ZARXOŞİ 3XENEPEŞİ ORA

İranişa xolosi Kurdepeşi ar oput’e na ren Banes yeşiğeri filmis oxoi3’onapinen ar Kurduri ocağişi drama, namuk na skidun İrani, İrak’i, Turkiaşi sinoris. Eyubi skidun xut korbamşine muşi k’ala artot umutelobaş doloxe İranişi İrak’is sinoris na geladgin germapes. Nana do baba muşi na uğuru Eyubik geç’k’aps otirus mt’ineri malepe İranişa, t’up’ai cuma muşi Madişi zabunoba ok’aapu şeni. Da muşi oxoris ren do cuma muşi Madi k’ala iboden. Meç’ireli qinoraşi şart’epes İran-İrak’işi sinoris çkvadoçkva mpuleri dulyape ikips. Mamt’inepeşi manuşvale renan 3xenepe. Qinişen mo ok’rotan yado 3xenepes alk’oli oşvapapan. Limaşi genomskidepe do xalk’işi umuteloba iz’iren filmis.

Eyubis var magen geç’areli, namuk na dubağasunt’u Madişi op’era3ias. Da muşi ok’abulups okimocu ti muşişen dido 3’aneri ar İrak’uri k’ala. Şart’i muşi ren cuma mutepeşi Madişi ok’aapu. İranişi sinorişen İrak’işi sinorişakis 3xenis gexuneri Madi k’ala artot ulun zavali k’ulanik. Mara kimoli muşişi nanas var unon Madi. Meçapan İrak’is ar cogi Eyubis do Madi k’ala artot mendoçkumernan İranişa.

Maktale: Bahman Ğobadi; Senario: Bahman Ğobadi; Oz’iramuş maktale: Saed Nikzat; Musik’a: Hossein Alizadeh; Masağalepe: Amaneh Ekhtiar-Dini, Nezhad Ekhtiar-Dini, Ayup Ahmadi, Jouvin Younessi, Madi Ekhtiar-Dini; Xvena: 2000; Dobadona muşi: İrani; Sort’i muşi: Drama; Nena muşi: Kurduri do Farsuli; Originaluri coxo muşi: Demek Jibo Hespen Serxveş.