|
AR FİLMİ: MTVİRİ
“Mtviri” ren ağanmordale rejisori Aida Begiçişi iptineri ginz’e met’rajoni filmi, namuk na oxo3’onapaps muç’oti xalk’is didi ziyani na aqu ar oput’es, Bosnias 1997 3’anaşi ok’vak’idinus. Sinemaşi avt’orit’epeş k’elen dido na moi3’ondinu Begiçi ren ust’at’obaş gzas na moirden, otxo mk’ule met’rajoni 3adate, sinemas guri na meçaps ar k’oçi. 14. Saraybosniaş Filmişi Fest’ivaliş gon3’k’imuş filmi na rt’u “Mtviri”s iğirinu, ‘Grand Prix of the Semaine de la critique programme’ p’rizis 61. Cannesiş Filmişi Fest’ivalis.
Otxo oxorca, jur xçini, otxo k’ulani, ar badi do ar biç’i bere skidunan oput’e Slavnos, namuk na z’iru didi ziyani. Antepeşi mtel ocağepeş megabrepe ren qvileri ok’vak’idinus do ğureli t’anepeti va renan z’ireri. Na ğuru qoreperi mutepeşişi ğarate na skidunan oxorcalepek osağapan dido muşiuri ar kiana ti mutepeşişa, so na ğurelepe xoloti na skidunan. Mtel goşinu do ğara mutepeşi şuroni okaçaptesşi, oput’e mutepeşi ğarapeşi kianaşa nokterenan. Zate oput’e Slavno ren kianaşen dido mendra ar svas; mara iptineri mtviriteti, 3’oxlenerişen umosi izolasioni xveneri ar t’exdititi iz’iren. Mtviriş t’exditi ixoloset’uşi eçi 3’aneri nop’rani Almak, meşkvineri ar gzaş kinaris qomurişi reçeli do çkva xilape gamaçamuten arxvala na skidasunonnaşa vardo na izenginasunonanşati icers. Am vaxtis jur dulyaşk’oçi mulunan oput’e Slavnoşa do xalk’is geç’areli meçamute am oput’eşen mendoçkuşi nosi ogurapan. Oput’arepe renan uk’araroni: skidala mutepeşi na muşletinasunon mara şurrenoba mutepeşi na mek’arbasunon am teklifi ok’abuluşi renani? Arşvacis na yeçkindun zifosik konokaçaps dulyaşk’oçepe Slavnos do naşkumers na meşvent’esşen umosi didi ar derditen: Aya ren mjoraşte steri mtinoba!
Maktale: Aida Begiç; Senarioşi maç’are: Aida Begiç, Elma Tataragiç, Noemie de Lapparent; Oz’iramuşi maktale: Erol Zubceviç; Musik’a: İgor Camo; Masağalepe: Zana Marjanoviç, Jasna Beri, Sadzida Setiç, Vesna Masiç, Emir Hadzihafizbegoviç, İrena Mulamuhiç, Jelena Kordiç, Jasmin Geljo; Originaluri coxo muşi: Snijeg - Mtviri; Sort’i muşi: Drama; Xvenaşi dobadona: Bosnia Xersek’i, Germania, Fransia; Xvenaş 3’ana: 2008; Originaluri nena muşi: İnglisuri, Boşnak’uri; Ginz’enoba muşi: 100 deik’e.
|
TÜRKÇE
