DUDBUT'K'A

QİNORAŞİ LİLVE P'RASKİA

P'raskia but'k'ape muşi şeni na imralinen lilve ren. P’raskia generalurot giberi iç’k’omen. Namtini dobadonapes t'ip'iuri salat'a, hamburgeri do çkva uk'ore3xu oç’k’omale k’ala qini do ugiberi iç'k'omen. P'raskiaşi m3'u ren beciti muşi but'k'ape k’onari. P'raskias uğun mk'ule m3'u. İpukiraşi, iparten do qa naçanen. K'araxindibas na nungaps uk'ore3xu pukiriş dudi aqven. Mara umosi mk'ule ren. Aya ren ordu do tasi meçamuşi p'eriodi. Geari şeni imralaşi, am p'eriodişen 3'oxle ik'oroben.

Andğaneri p'raskia k'ala artneri tasi na uğun mt'k'uri p'raskias uğut'u "lactucarium", namus na uğut'u nark'ot'ik'uri steri xasieti. Na mek'ilu orapes, p'raskia iç'k'omet'u oç'k'omaleşi çodinas k'ai onciru şeni. Hip'not'ize na ikips varna onciruşa perpobate gza na meçaps muşiuroba uğut'u. Kimoluri menceliti munz'inapt'u. Epto uk'ore3xu sort'epe uğun. Murenki p'raskiaşi cinci var içkinen gurişa xolosonerot. Dudi do but'k'aşi xvenobate, p'raskias anşi sort'i na uğun içkinen. P'raskias oşite sort'i uğun ya matkvenan.

Tereyağiş dudoni p’raskiaşi jindole mçire do tereyaği steri çiçku iqven do Avrop’as dido irgen. Xçe xura muşi ginz’e, xçe xor3oni, notoneri, mağala adapt’asioneri, dido na niçanen ar cinsi ren. Na iç’k’omen burme muşis nanç’inerot 50 sant’imi ginz’enoba do 3- 4 sant’imi mçineroba uğun. Çinuri p’raskia, ginz’e m3’uoni, k’ilicişa mengaperi, ududoni, mk’olo do k’ap’et’i, ogibu do oxokteri oç’k’omalepes oxmaru şeni moxva ar cinsi ren. Gevrekbaşi, luqus mengaperi dido dudişen 3’opxun. Nostoneri vardo çiçku na ren şeni p’raskiaşi irişen narini ç’eşidi yado içkinen. Mçirebut’k’oni cinsis çorçi, narini do mç’ipe but’k’ape uğun.



                                                                                                                                                              TÜRKÇE