|
TEŞKİLATİ MAXSUSA
Teşkilati Maxsusa ren Osmanuri dobadonaşi çodina vit 3’anas na ixandu mpuleri k’erk’elapeşen ar teri. Teşkilati Maxsusa k’ideri ren K’erk’ela İttihat do Terakkişi irişen 3xuneri fedai do akt’ivist’epeş k’elen. Xvala Meşrutiyetişi ognapus var, çkvadoçkva dulyape qu, İt’aliurepeş k’elen xe gedveri Libias, Balk’anepes do Kianuri maartani limas. K’erk’ela İttihat do Terakkişi illegaluri odulyobapes rderi fedaipeş k’elen 3’opxineri “Muşiuri K’erk’ela”s aqu beciti roli Babialişa xe gedvusti 1913-s. K’erk’ela İttihat do Terakkik xe3alas xe gedvuşi, Teşkilati Maxsusa iresminu do oirkianuri muşiurobati aqu emus. Hinduri k’itaşen Afrik’aşa, Şka Yulvaşen Balk’anepeşa, Araburi gverdk’un3’ulişen K’avk’asiaşa do Şka Asiaşa gonç’imeri İslamuri kiana, Osmanuri dobadonaşa ok’atuşi noğira uğut’u emus. 5 Mariaşina 1914-s iqu ofisialuri k’erk’ela mek’ireli Olimobaşi Nazirobaşa. 8 Gimua 1918-s, İttihat do Terakkişi xe3alak iktidari naşkuşi, Teşkilati Maxsusati itasfiyinu ofisialurot.
Teşkilati Maxsusaşi jin na ixandu Amerik’uri magoşogore Dr. Philip Stoddardişi toliten, k’erk’elas uqount’u 30 vitoşişen met’a mensubi, namuk na ixandept’u Tutamesturiti na itkvet’u İslamuri kianaşi k’arta ğocis. Teşkilati Maxsusas uqount’u çkvadoçkva etnik’uri cincepeşen zabitepe k’ala oşepeten gamantaneri, şeyxi do religiaşk’oçi. Said Nursişen Mehmet Akifişa, Durzi p’rensi Emir Şekip Arslanişen, Egvipt’uri Şeyxi Abdulaziz Çavişa, Tunusuri Şeyxi Salix Şerif et-Tunusişen Libialuri Şeyxi Ahmet es-Sunusişa, Hinduri Muxammed Bereketullax Efendişen Ebul Kelam Azatişa, Pakistanişi iptineri p’rezident’i Muxammed Alişen, cuma muşi Şevket Alişa, İbnurreşidişen Şeyx Mexdişakis uk’ore3xu çinoberi mitxanis uğut’u artikartisoba teşkilati k’ala.
|
TÜRKÇE
