|
DULYAMXVENU DO MAMRALE BUT'K'UCİ
But’k’uci ren bombola namuk na 3’opxups Apoideaşi familia zarişmsvalonepeşi sort’is. Zarişmsvalonepes uğun doloxe muşis mt’k’oşa do ginz’enobaşa cerğvina do jur t’k’ubi şefafi zarişi formaş msvalepe. But’k’ucişi xuras uğun dudi, uba do korbaşi burmepe. Xura mutepeşi ren ntxozeri p’eci puzerepeşi getvalate. Dudis uğun tolepe, ant’enepe do oç’k’omuşi organepe. Dudi ren mek’ireli, xuraşi majurani burmeşa mç’ipe k’ank’aloni ar qalite. Uba do korba i3’opxinen k’irkit’epete. K’arvaniş formaşi ar t’k’ubi ok’ont’aleri sumiti perpu toli uğun emus. Perpu tolepes uğun vitoşepete ç’it’a burmepe. Ok’ont’aleri toli, nana but’k’ucis 3.000, madulye but’k’ucis 4.000 do kimoli but’k’ucisti 8.000-şen met’a perputoli uğun. Dudis ar t’k’ubi ant’eniti uğun. Am ant’enepek ipelnan şura, nostonoba do don3’alus. Ant’enepeşi doloxeni nervepeşi k’un3’ulepete ognobapeşa mem3xverot, ixişi k’ap’ineroba do t’aronaşi t’u3anobati agnen. But’k’ucepeşi ant’enepes agnenan topurişi şura 2 k’m mendraşen. P’ici muşis uğun otxo burme: jileni çarbi, jileni nunk’u, tudeni nunk’u do tudeni çarbi. Nena muşi ren 6- 7 mm. Dudişi doloxe ixvenen beciti meşkvinobape. Madulye but’k’ucepeşi geşkvaluri tudeni meşkvinoburi mbelapek naşkumernan ağanmordalobas but’k’ucişi mja, ok’vaçxeti topuris sak’arozi na opunçxolups enzimepe. Nunk’us na uğun mbelapek naşkumernan nana but’k’ucis nana but’k’ucişi feremoni, madulye but’k’ucepesti alarmişi feremoni.
Uba uğun k’ank’alaşi şkaguroni. Otxo segmentite i3’opxinen. Entepeşi jin iz’iren sum t’k’ubi t’rik’i do jur t’k’ubi msva. But’k’ucis uğun k’ap’et’i puzurepe, namus na itkven p’olenişi furç’a, şkaguroni t’rik’epeşi jin. Antepek nuşvelnan pukirepes na uğun p’oleni ubaşen do 3’oxleni t’rik’epeşen ok’vaçxeni t’rik’epeşa meyonktaluşa do ok’vaçxeni t’rik’epes na uğun p’olenişi k’udelis ok’orobuşati. Am p’olenişi k’udelinapek tirupan p’oleni k’arvanişa. Muşi msvalepe ren cerğvepeş k’elen, omxvaceri dido mç’ipe zarişi formas. Jur t’k’ubi ren. Oputxuşi oras, ok’vaçxeni msvalepes na geladgin kukulaşi şvelate jurik ixandepan artot. İpels oputxuşa k’ele meçamus. Oputxuşi oras emus na aqven k’ap’ineroba ren 50 k’m ar saat’is.
Morderi but’k’ucişi korbas uğun çxoro burme. K’uç’i, ç’u do omraluşi organepes uğun çeç’işi mbelape do lemşi. Burmepes maz’ğvani-k’vazaliten ar t’k’ubi lukunaş meşkvinobaşi mbelak (çeç’işi yali) omçxvanups madulye but’k’ucepeşi çeç’i oxvenuşi p’eriodis. Lukuna meçkvinups emuk. 3’ara oqopimot, yalepeş jin na nişkvinen lukunapek imçxvanen lukunaşi cebepes. Aşopeteti ikten ç’it’a ker3ala. But’k’ucepek 3’urulupan nçiri artikarti okaçuten muşiuri k’ank’alapete. K’uçxepeşi şvelaten p’ici mutepeşişa na amidumernan çeç’işi ker3alapek içiçkanen do ikiminen ekonaşis. Antepe ixmarinen k’arvanişi tolepe oxvenus. Lukuna oşvaluşi p’eriodi na oçodinaps madulye but’k’ucepes 3’oxleşen na uğut’u lukunaşi meşkvenobape iragaden. Ok’vaçxeti ikten artot hucreşi t’abak’aşa.
Madulye but’k’ucepeşi maşkvitani abdominaluri burmeşi (korbaşi kukula) doloxeni jilenunk’us do ciniki p’lak’aşi 3’oxleni k’eleşa xolosoni burmes didi hucrepete 3’opxeri şuraş mbela (nasanofişi mbela) koren. Madulye but’k’ucepe do nana but’k’ucis lemşi iz’iren abdomenişi (korbaşi) çodinas. Lemşik gamulun lemşişi odaşen. Mç’ipe do m3’k’ili k’un3’uli ren dudoçvaluşi organi. Am lemşi ren mek’ireli ğurz’ulişi keseşa. Madulye but’k’ucepeşi lemşi ren 3angaloni k’ap’ulaş k’elendo. Am sebebite, madulye but’k’ucis armitxani o3onu şeni lemşi muşi no3onaşi, var mok’azden soti muşişa. 3angape renan muç’o xerxişi p’ici steri. Gendra m3’k’ili k’un3’ulepe renan medgineri k’eleşa, lemşepeşi no3onuş k’elendo. Emuşeni but’k’ucepek var no3onapan k’oçis, oşkurinoba uz’iramuşakis. But’k’ucişi no3onu ren dudoçvaluşi çodina. 3’oxle xonarite oç’ereğups. Ok’vaçxe gok’açinapan mtel artot. Xoloti oşkurinoba var agnas na, çodina çarete, k’ap’inerot oşkurinoba na agnen sotişa putxunan. Mat’enan. Oşkurinu unonan aşote. Oşkurinoba xoloti var içodu yado isimadanşi, no3onapan noğira mutepeşis.
|
TÜRKÇE
