DUDBUT'K'A

CİBGİRİ MÇ'APU

Mç’apu ren coğorarepeşi (Canidae) familiaşen. Aya familia na 3’opxups “Canis”işi sort’işen otxo Afrik’a do Asias na iz’iren do ç’it’a-oşkande t’anoni na ren “Canis adustus”, “Canis aureus”, “Canis mesomelas” do “Canis simensis”işi sort’epeşi oşkendari coxo. Maave do maleşe ren. Ginz’enoba mutepeşi ren 85- 95 sm, 30- 35 sm ginz’enobaş k’udeli mutepeşite. Monk’anoba mutepeşiti ren 7- 11 k’ilo k’onari. Okroşperoni mç’apus k’ap’ula muşi uça, korba muşiti xçe steri uğun. Majura burmepe muşiti ren leboni skit’a. Uça k’ap’uloni mç’apuşi post’iti ren jangeri mç’ita. Brest’i ğaraloni mç’apus uğun jileri ğarape xura muşişi jur k’eles. K’udeli muşişi k’un3’uli ren xçe. “Canis”işi sort’işen mtel majura mç’apupe steri ok’oqurapan limcis. Mç’apupek, k’udeli k’ala na uğun mbelaşi dvabate gamoçkapan dido leba şurape.

Okroşperoni mç’apuk yulva Avrop’a do olande Afrik’aşen omjore Asiaşakis mtel t’erit’orias; uça k’ap’uloni mç’apu k’ala ğaroni mç’apuk omjore do yulva Afrik’as skidun. Turkias zoğap’icuri k’ortapeşi k’ap’et’i mt’k’a do tamlonapes do omjore Anatoliaşi dabala k’ortapes skidun. Gon3’k’imeri sotepes skidun. Mara didoteti dobargalepeşa xolosoni sotepeşakis konanç’en.

Gamulun avişa m3’k’upis. Namtini orapes xvala do namtini orapes t’k’ubi oqopinot varna cogite skidun. Na z’iras ç’it’a skindinapeşi leşite skidun. Cogite goxtanşi ant’ilop’i varna umosi skindinape aç’openan. Lomi steri skindinapek na naşkvu mutxanepe, genomskidepeti imxornan. Mç’apuşi jurşuronobaş ora ren 57- 70 dğa. 3’una mç’apuk ar ğormaşa amulun. 2- 7 dğaş k’ule dorinaps. Mç’apupesti amzik’enan oxoruli coğorepe k’ala.



                                                                                                                                                              TÜRKÇE