DUDBUT'K'A

ANT'İOKSİDANİ LİMONİ

Limoni ren nca, namuk na naqonops ordus do qinorasti but’k’a na var dobğaps mtel 3’anas. Limoni na gamaxtu iptineri soti var içkinen. T’ibu t’aroni na uğun dobadonapes irden. Ege do Xçezoğaşi k’ortapes, k’arta oxorişi steğos geladgin tito limoniş nca. Limoniş ncaşi zomi ren asidi oşişen 5-ten. Loqa nostonoba uğun emus. Ph-şi pasi ren 2- 3 k’onari. Perpot na izden asidi muşi ixmarinen ilmiuri 3adalepes.

Çorba, oç’k’omale do salat’apes ixmarinen nostonoba monz’inu, oşiru operpu do xuraşi mebaz’gaş ok’ap’et’anu şeni. Vit’amini C-şi odude ren. Dğas ar limonişi zomini oşuk gza var meçaps gribaluri enfeksionişa. Limoni do milişi limoni ixmarinen limonati oxvenus, oşumalepes garnit’urot, qineroni çai do ualk’oloni oşumalepes dagaş formas ç’ik’as. Limonik odaşi t’u3anobas dodgitas na dido oras, kogeç’k’aps ox3uşa.

Limoni do majura turuncarepes uğunan kimiuri maddepe çkvadoçkva nak’onobate. Cansağobaşa feide meçaps yado iceren. Hidrok’arbonati coxineri D-limone uğunan. Entepek limonis şura do nostonoba meçaps. Limonis uğun sitrik’işi asidi beciti nak’onobate. Aya sebebite, tapala pasite Ph do elazoğoni nostonoba uğun emus. Amuşen ekole vit’amini C (asorbik’işi asidi) uğun. Aya ren dvaç’ironi k’oçiş cansağobaşa. 100 ml. limonişi zominis uğun nanç’inerot 50 mg. vit’amini C (aya ren na itavsiyinen pasişi oşişen 55) do 5 grami sitrik’işi asidi.

Namtini odudepek mi3’umernan, limonis flavoroidişi ok’oxtala na uğun. Antepe ren ant’ioksidani do k’anserişa beciti medgineri. K’anserepeşi hucrepeş odidanuşa gza var meçapan. Mağala pasite vit’amini C na uğun şeni, alt’ernat’iuri medi3inas beciti ren. Ar fincanite t’u3a limonişi zominik p’icvepe na pağups iceren. K’arta oras limoni oç’k’omuk nusebebups k’uç’işyara, gastrit’i steri zabunobaşa, asidi na uğun şeni.



                                                                                                                                                              TÜRKÇE