DUDBUT'K'A

YEMBUZ'ĞİNALE ABDULHALİM SADULLAYEV

Şeyx Abdulhalim Sadullayev 1967 3’anas Caxark’aleşi 12 k’ilomet’re mendranobas na dgin noğa Argunis dibadu. Arguni (Ustradgala) na gedgu Ustradoyişi aşiretiş mak’ature ren. Çinaperi Çeçeni alimepeşen dersi ezdu. Çeçenistanişi Oxen3ale Universit’eşi Filologiaşi Fak’ult’es iguru mara lima na geç’k’u şeni var açodinu. Çeçenistanişi İslamuri gok’u3xinuşi menceloni mak’aturepeşen Şeyx Abdulhalimi rt’u, ağanmordalepes Muslimanoba na ogurapt’u mamgurape.

Şeyx Abdulhalimik Çeçenistanişi maartani cihadis ak’atu. Çeçenistanişi maartani do majurani cihadis Çeçenistanişi t’elevizias İslamuri vaazepe ognapu. Arguni cemaatişi dudmaxvencoba qu. Çeçenistanişi çkvadoçkva k’ortapes İslamuri k’onferansepe 3’opxu. Mk’ule oras Argunişi cameş imamoba qu. 1999 3’anas dudcumxuri Masxadovişi k’ararite şeriaturi dudk’anonişi oxen3aleş k’omisionişa ak’atu. Çeçenistanişi majurani cihadi geç’k’uş k’ule Çeçen İçkeriaşi Resp’ublik’aş (ÇİR) silaxoni mencelepeşa mek’ireli Argunişi iraduri vaxdetişi dudmaxvencoba qu. 2002 3’anas oxen3ale nodgitaşi k’omit’e-şura meclisişi k’ararite ÇİR-şi şeriaturi maxkemeşi reisi i3’opxu. ÇİR-şi dudcumxuri Aslan Masxadovi ğuruş k’ule dudk’anonişi hukmite ÇİR-şi dudcumxuri edo xolo ÇİR-şi silaxoni mencelepeşi k’umandani iqu.

Şeyx Abdulhalimis ÇİR-şi dudcumxuri Aslan Masxadoviş k’elen jur fara Çeçenistanişi oxen3ale nişani do ÇİR-şi maartani dudcumxuri Caxar Dudayeviş k’elen na i3’opxinu xalk’işi şerefiş medalia niçinu. Şeyx Abdulhalimik Çeçenistaniş gale çkar var gamaxtu, xacobaşi mok’itxu şeni Mekkeşa na iduşen met’a.

2003 3’anas Rusiaşi sp’esialuri mencelepek Şeyx Abdulhalimişi çili omt’ines. Çili muşi fidye meçamute oxuişkvinas yado gza igorinu nati mutu var iqu. FSB-şi ajanepek Abdulhalimişi çilis işkence oğodes, kimoci muşi do Çeçeni mucahidepe so na skidunan oguru şeni mara çkar mutu na var agures FSB-şi ajanepek Abdulhalimişi çili doşehides. Nananena muşi Çeçenuri k’ala Arabuli do Rusuliti na uçkit’u Şeyx Abdulhalimi, 17 Mbulora 2006-s noğa Argunis, Rusi maişgalepe do mak’udele munafik’epe k’ala na ixvenu k’abğas dişehidu.



                                                                                                                                                              TÜRKÇE