|
ÇEÇENURİ NOTKVAMEPE (NOXÇİYN KİCANAS)
Çeçenuri Notkvamepe (Noxçiyn Kicanas), Çardakişi K’ult’uraş Ok’oxtimaleşi maartani gamaçkvalot 2003 3’anas Mp’olis gamiğinu. Merhumi Tarik Cemal Kutluk na k’orobu, xaziru do goktiru svaraşi k’ilifiş dizaini İhsan Berkhanik qu. Osvaru, on3’uranu do o3’opxu Seda Kutluşk’elen na ixvenu svaraşi k’ilifis Çeçenuri keçeşi mot’ifi gez’in.
Şairi Suleyman Axmadovişi; “Xalk’i na var uqonun k’oçi k’oçi va ren, nena muşiş mağarğale na var uqonun xalk’iti xalk’i va ren.” yado mskvanenate na geoç’k’aps svaraşi go3’otkvalas merhumi Kutluk; Çeçenuri notkvamepe Latinuri moderni Çeçenuri albonite maarta fara iç’aru, notkvamepe albonurot doliç’aru, Çeçenuri nena k’ala Turkuli nenati geiç’aru ya zop’ons. Rusuli, Arabuli, Latinuri cinconi Çeçenuri albonepe şeni çkina niçinen do emuşk’uleti Latinuri cinconi moderni Çeçenuri alboni k’aixeşa içinapen. Çeçenuri notkvamepeşi namtinepe:
K’oçi, arxvala ok’vak’idu na uçkin mitxani va ren, mt’eri muşi so ren eti na uçkin mitxani ren.
Na mağurenan k’onari badi/xçini, na ok’omak’idenan k’onari ağanmordale voret.
K’at’upek ok’oibğes do na var ak’obğines mgerepes geocgines.
Babaşi ğura ç’eriş doloxvu, nanaşi ğura oxorişi mek’arbu tkvala ren.
K’aobas mo moğerdur, p’at’obas mo amgar.
Na naboçen din3’uranen mara na ğurun var uk’unikten.
T’ufeğik ar k’oçi, nenak vitoşi k’oçi qvilups.
P’at’obaşen nena do mexiruşen xe içvi.
Xarami zenginoba helali fuk’arobaşen ucgişi ren.
Mşkironeri doskida nati musafiri skani oz’ği.
Numçinuşi nomera: 0212 530 62 55
|
TÜRKÇE
