|
AR FİLMİ: Ç'OPEROBAŞİ PASİ
Andy Dufrense ren ar bank’aşi katibi, ağanmordale do gecgineri. Ar ndğas çili muşi do emuşi qoropeli iqvilen. Var içkinen aya mik na qu. Mara p’olisik ç’opups Andy. Mk’ule maxkemeş k’ule, jur fara muebbetişi ceza niçinen emus. Mendiçkvinen molaxunale Şavşankişa. Var aqven emus şartoni taxliyeşi hak’iti. Ğuraşakis akonaşis skidasunon. Mezare muşiti iqvasunt’u aya molaxunaleşi avlis. K’ai naturoni ren. İmendite opşa ren. İptinerepes maxkumepek, ti mutepeşis na var nungapt’u Andyis ikipan p’at’inobape. Redi ren muebbetiş maxkumi Andy steri. İtimadi ikips dido oraşen doni na noxosart’u Andyis. Orateti cumaluri ar megabroba geoç’k’aps entepeşi oşkas.
Skidalas ugondunu şeni, majura maxkumepeşi noxveneşen ekole çkvadoçkva sosialuri mutxanepe oteşkilu şeni gza gorups Andyik. Kutupxana 3’opxups, galendo svara ak’vandeps. Molaxunaleşi timçxuk ikips ulegaluri dulyape. Emus uk’ors ar mamuxasebe. Muebbetişa maxkumi, xarbezişi Andy ren moxva emuşa. Andyik ixmars muşi mabank’elobaşi çkinape. Molaxunaleşi timçxus do gardiyanepes geç’areli mogapuşi gzalepeti no3’iraps. Aşote xe gedumers entepeşi guris. Molaxunaleşi timçxu do muşi artikartisobapeşen dido ondepe iguraps Andyik. Galendo doloxe mali ezdimuşi mç’ipenoba na uçkin Redi do majurape k’alati irden muşi megabroba. Ç’k’ua muşi iroras molaxunaleşi gale okaçu şeni k’arta gza 3adups. Aşopeteti majura maxkumepeşi megabroba aqven emus.
Şkence, tecavuzi, obaxoba ren k’arta dğaşi dulyapeşen molaxunales. Mara Andyi ren oskiduşi k’oçi. K’arta oras şuri muşi ok’ap’et’anu şeni k’ai mutxanepe oz’iramuş derdis ren. Aşo oxvenute majurapesti imendi meçaps. Skidala molaxunalesti k’ai na ren ocerapaps maxkumepes. Molaxunaleşi timçxuk muşi k’ala na aqu artikartisobak emus oxaşkvoba meçasunt’u. Mara timçxus var uçkit’u eya.
Maktale: Frank Darabont; Maxvene: Niki Marvin; Romani: Stephen King; Senario: Frank Darabont; Musik’a: Thomas Nevman, Tim Robbins, Morgan Freeman, Bob Gunton; Sort’i muşi: Drama; Masağalepe: Clancy Brovn, Villiam Sadler, Gil Bellovs, James Vhitmore; Ginz’enoba muşi: 142 deik’e; Dobadona muşi: Amerik’aşi Ok’ont’aleri Oxen3alepe; Nena muşi: İnglisuri; İptineri oz’iramuşi tariği: 23 St’aroşina 1994; Biucet’i muşi 25 milioni Amerik’anuri dolari.
|
TÜRKÇE
