|
K'AVK'ASİURİ XALK'EPEŞİ MİTOLOGİA
Frangiuri nenamçkinace Georges Dumezilişi nok’orobe K’avk’asiuri Xalk’epeşi Mitologia (Mythologie der Kaukasischen Volker), Gamaçkumale Ayraçişk’elen Pukrik’a 2000-s Ank’aras gamiçkvinu. Religia-mitologiaşi seriaşi svaraşi goktiru Musa Yaşar Sağlamik, k’ilifişi dizaini Erol Olcayik qu. Svaraşi geç’k’alas, K’avk’asiuri xalk’epeşi tarixi, Etnografiuri o3’k’omilu, K’avk’asiuri nenapeşi telafuzi coxoni ç’arape geç’ars. Svaraşi naqonas, K’avk’asiuri xalk’epeşi (Abxazepe, Adigepe, Kortuepe, İnguşepe, Margalepe, Osetepe, Svanepe) maoçvale tangrepe, tangriçepe, şurepe albonurot oxoi3’onapen.
Svaraşi k’ap’ulaşi k’ilifis: “K’avk’asiuri Xalk’epeşi Mitologia, xark’i mektimeri egzot’iuri k’ult’urapeşi mitologiapeş temas gamoçkvus geoç’k’ineri seriuli xandaşi majurani svara ren. Am svaras, Uçazoğaşi yulvaş k’ele do Hazarizoğaşi oşkas gompineri dixapes geskiderepe do k’ult’urapeşi mozaik’a 3’opxineri K’avk’asiuri xalk’epeşi, doloxe mutepeşis k’oçinobaşi irişen mcveşi ar-jur p’aşuraşi mance, peroni do esraroni efsanepe goşigorinen. K’avk’asiuri xalk’epeşi dobadonape, nenape tarixiş morgvalis meçameri timoşletinerobaşi limape do oçvape mç’ipaşaşi doliç’aren edo xolo K’avk’asiuri mitologiaşi lit’erat’ura içinapen. Svaraşi esasi didi no3’ile, lugati steri xazireli do K’avk’asiuri xalk’epeşi cincepe, dinepe, skidalape do ananepeşen ambarepe meçameri efsanepek 3’opxups.” yado noç’ars.
Numçinuşi nomera: 0312 418 43 35
|
TÜRKÇE
