|
P'ROF. GURAM K'ART'OZİA
Guram Aleksandroviç K’art’ozia, 31 Gimua 1934 tarixis Tbilisis dibadu. Nana do baba muşi mamgurape do Cixankvicuri (Nokalakevi) renan. Beroba muşi Tbilisis goloçku mara Omargaleşa idu do Margaluri nena iguru. Lise dotamamuşk’ule Tbilisişi Oxen3ale Universit'eşi Filologiaşi Fak'ult'eşi K'avk'asiuri nenapeşi burmeşa kamaxtu. Fak’ult’es Arnold Çikobava, Sergi Jğent’i, Varlam Topuria, Anton K’iziria steri p’rofesorepeşen dersi iguru. Fak’ult’eşi 3’anapes Lazuri do Svanuri nenapeti kodiguru. 1968 3’anas “Kortuli Ç’aralobaşi P’roblemepe” coxoni svarulis muşi k’oroberi ovro Lazuri p’aramiti gamiçkvinu. Oxen3aleşi svaroxoriş vazife muşi k’ala mamgurapoba qu. Qiloşi P’ostoni Şovalieş jin ixandu do ak’ademiuri t’ekst’i doxaziru.
1961-1968 3’anapeşi şkas Sarpuli, Aç’aruli, Abxaziuri do dulya şeni Okortuleşa mextimeri Turkialuri Lazepeşen t’ekst’epe dok’orobu do “Lazuri T’ekst’epe” coxote 1972 3’anas Tbilisis kogamoçku. 1990-1992 3’anapeşi şkas Borçxa, Xopa, Arkabi, Vi3’e, Art’aşeni, Atina, Vijas goxtu do manepe, p'aşurape, şiirepe, notkvamepe, megnapape do t'op'onomiuri coxope gok'orobu. Ham mat'erialepeti “Lazuri T'ekst'epe 2” coxote 1993 3'anas Tbilisis kogamoçku. Lazuri do Margaluri nenapeşi didi ust’adi p’rofesori Guram K’art’ozia, 9 Xrist’ana 2010 tarixis Tbilisis doğuru.
|
TÜRKÇE
