|
Ç'ERK'EZURİ P'ARAMİTEPE
Ç’erk’ezuri (Adiğuri) p’aramitepe Ç’erk’ezuri nenaşen mamgurape, avuk’at’i, magoşogore maç’are Yaşar Bağik goktiru do gamamçkvala Okyanusişk’elen 1998 3’anas St’amp’olis gamiçkvinu. Svara seria kianaşi xalk’uri p’aramitepeşen gamiçkvinu do svaraşi edit’oroba Lutfu Bozkurtik, k’ilifişi dizaini Nare Ekincik qu. Svaras; Gamaçamuşi izmoce, Upimpile mamskibe, Sum da, Ajdiariş maşkurine oxorca, Batirişi on3’irupe, Cinsieti ktireli k’ulani, Jur diviş maxro3kine k’oçi, Sosrik’o do divi, Negeyişi skiri Lapşoğa, Şeveyişi omordinu, K’oçi k’ala dimç’k’u, Mgerişi omt’inu, Meli do coğorepe, Baba do k’ulani muşi steri 36 p’aramiti doloç’ars.
Svaraşi k’ap’ulaşi k’ilifis: “Ç’erk’ezepeşen, berobaşi dğalepe çkinişi irişen oxeloni p’aramitepes molişinet’u do entepe şeni ununç’işe, şilyadoşilya sirişi mance, xaşmet’oni germa K’afişi mağruri k’oçepe itkvinet’u. Ç’erk’ezepe, olande K’avk’asiaşi irişen mcveşi xalk’i renanya itkven. Nena, k’ult’ura do anane mutepeşi uğunan. 1864 3’anas Rusepek Ç’erk’ezepeşi dixapes xe gedvesşi, Ç’erk’ezepes didote yebargu konaç’ires do Osmaniaşi oxen3aleşa kodibarges. Em oraşen doni Anatoliaşi dixapes çkini k’ala skidunan. Ç’erk’ezepes, Osmaniaşi oxen3aleş çodina jurneçdovit 3’anasti, Turkiaşi Cumxuriet’iş ge3’opxinusti beciti rolepe aqves. Andğanerdğasti ham rolepe muşis naqonopan. Ç’erk’ezuri p’aramitepeşi didi k’ismi, Ç’erk’ezi Yaşar Bağik xaziru do Ç’erk’ezuri nenaşen goktiru. P’aramitepeşi ç’it’a k’ismiti K’avk’asiaşi K’abartay-Balk’ar Universit’es folk’loruli magoşogore Jeyne Thamokoek Turkias madoxore Ç’erk’ezepeşen k’orobu. Bolaki ham p’aramitepek germa K’afişi k’oçepe umosi xolos oçinu şeni vesile domaqvenan.” yado noç’ars.
Numçinuşi nomera: 0212 513 42 59
|
TÜRKÇE
