|
PUSUŞİ TEHDİDİ HEP'ATİTİ
Hep’atiti çxonçxişi iltihabie do k’oçişi xuras dido menfi neticeşa gza meçaps. Hep’atitepeşi namtinepe virusepeşa mek’ireli namtinepeti umek’irelie. Namtini t’oksiuri ç’amepek do noxondinuş sist’emişi ok’oxvobapekti çxonçxişi iltihabişa sebebi iqopen. Virusepe, t’oksiuri kimialuri maddepe, namtini ç’amepe, alk’oli, namtini mik’robepe, radiasioni, genet’iuro nak’limeri nadiri zabunobape, erk’ina ok’obğuşi zabunoba, linci ok’obğuşi zabunoba hep’atiti eçkindaps fakt’orepee. Hep’atitepeşi irişen moxvadineri ç’eşidi virut’iurepee. Hep’atiti t’erminite ham virali hep’atitepe molişinen. Çxonçxişi taze, t’u3anuri iltihabişa ak’uti virali hep’atiti, anşi tutaşen dido meqoneri xalişa k’roniuri virali hep’atiti itkven. Turkiaşi xalk’is, virali hep’atiti k’ala oskit’aloba artneri a3’onen do k’arta oskit’aloba virali hep’atiti aşinen.
Hep’atitişi zabunobas xuti ç’eşidi uğun do hantepes Hep’atiti A, Hep’atiti B, Hep’atiti C, Hep’atiti D, Hep’atiti E icoxen. K’arta ç’eşidi muşis muşeburi nişani uğun do didote k’aixeşa işvelen. Mara hep’atiti C çxonçxişa dido xasari meçaps do skidalaşi morgvalis meqoneri zabunoba eçkindinaps. Mamgurapepe do şursağobaşi sekt’oriş moxandepe hep’atiti şeni irişen risk’oni grup’i 3’opxupan. Dulya mutepeşis di3xiri do xuraşi no3’k’arepe k’ala itemasenan do emuşeni.
Hep’atitişi k’arta ç’eşidis çxonçxi dudi organie. Çxonçxik, xura t’oksiuri maddepeşen pağups, oxazmu şeni unon safra ofrazaps do xura çkini şeni unon p’roteinepe omralaps. Edoxolo di3xirişi şekerişi sevieş otanzimu do met’abolizmaşi obalansu şeni beciti vazifepe uğun. Hep’atitişi virusik çxonçxişi hucrepeşa dibargen do ham hucrepes xususoba mutepeşi najilenan do vazife mutepeşi var axvenenan. Hep’atiti A do Hep’atiti B şeni ge3’opxineri aşi koren. Hep’atiti B-şen oçvu Hep’atiti D şeniti oçvu tkvalae. Hep’atiti C şeni mak’limuşi gzalepeşi ok’ont’rolu dido becitie. Aşi muşi şeni goşogorus niqonen. Hep’atiti E şeni irişen beciti oçva, umumi hijieniuri şart’epeşi on3’uranue. Aşi muşi şeni oxandus niqonen.
|
TÜRKÇE
