|
LAZEPEŞİ SOT'OLİA LUQU
Luqu (Brassica oleracea Acephala), bulek’igilepeşen (Brassicaceae) qinoraşi lilve yado irgen do mçire do mçxu xanç’eni but’k’ape uğun. Luqu ren, yulva Uçazuğaşi ogeareşi do k’ult’uraşi ume3’k’ime no3’ile. Am lilve monç’inora-qinoras iç’k’omen do mcveşi Grek’uri nenas “monoç’k’ome lilve” tkvala ren edo muxuris pancari, kelemi, pezuk’i yadoti icoxen. Didote oç’k’omale oxvenus ixmarinen. Edoxolo, iç’inaxen do 3’k’ari muşi işven.
Luqu ren, mçxu do mçire but’k’oni lilve do xampa C vit’amini uğun. Edoxolo A, B, E vit’aminepe k’ala k’alsiumi, p’ot’asiumi, kukurdi, magneziumi, linci do erk’inaşi mineralepe dido uğun. Luqu dido mamgvane lilve ren do t’k’ebi, k’ibiri do qvilişi hucrepe ok’ap’et’anaps. Xuraşen ğurz’uloni maddepe omendranaps. İştaxi monz’inaps. K’aixeşa opsapaps do ink’ip’azoba oçodinaps. Udi3xironobas k’ai muxteps. Bilasa çiçku luquşi 3’k’ari k’uç’i do mç’uşi ulseris nak’aen. Mç’uşi munt’urepeş ot’k’oçus nuşvels do mç’uşi iltihabepeşa nodgitun. Xuraşi noxondinu monz’inaps do zararoni bakt’erepe oğurinaps. K’anseri şeni k’ai art mamçvale ren. Di3xiris şekerişi nispet’i om3ikanaps. Astimi, romatizma, siat’ik’i, oskit’aloba do safraşi keseş zabunobapes nargen. Xonarişi mencğiloba ok’aaps. Buz’iş 3’ungişi t’k’va3inobapeş ok’aus nuşvels. Mara guatiri omç’unpek luqu var ç’k’oman na k’ai iqven.
|
TÜRKÇE
