|
MAĞDURİ NENA ZAZAURİ
Zazauri; (Kirmancki, Kirdki, Dimilki, Zazaki, Zone Ma) Hindu-Avrop’a nenaluri grup’işa mensubi olandegeulva İranuri art nenae do bilasa yulva Anatolias, omjoreyulvas do Anatolia doloxeni Anatolias (Bingol, Dersim, Diyarbekir, Bitlis, Adiyaman, Elaziz, Erzincan, Erzurum, Muş, Siirt, Urfa, Malatya do K’ars) do uçvaşi sebebite namtine Avrop’uri diyarepesti iğarğalen. Nenaçkinas umosi dido Zazaki (Zazaish, Zazaische) do Dimli yado içkinen.
Zazauri nena, manz’ageri nenape k’ala ok’otesireli ren nati oşka İranuri devreşen doni nenaçkinuro do mirasi zit’auro k’aixeşa şinaxerie. Manz’ageri vana hukumrani nenapeşen arxvala zit’a eç’operi ren vana majura temapes notesire va ren. K’ult’uruloti sotinuri xalk’i ren şeni manz’ageri xalk’epe k’ala oşkari dido xususobape uğun. Dobargeri do mordineri şart’epeşi tolite mendai3’k’edas na xampa zit’aluri ç’k’ua uğun. Zazauri nena yano iç’arinu şeni xalk’uri ç’araloba umosi xampa ren. Zazauri nenas deyr (birapa), kilam (trağuda), dese (ilahi), şanke (fabil), hekati (p’aşura), qese verenan (notkvamepe do tabirepe) steri xalk’uri ç’araloba dido uğun.
Zazauri albonis 32 bonca uğun. Am alboni Amerik’uri manenaçkine, M. Jacobsonik numxvacu şeni Jacobsonişi alboni yado işinen. Zazauri nenas zit’ape bonca I k’ala var geoç’k’aps. Zazauri nenas k’arta Zazapeş k’elen oşkari xmareli st’andardi alboni var uğun do ekseri Jacobsonişi albonite iç’aren. İptineri Zazauri svara, Osmanalişi devres Rusiaşa limaşa oncğoneri, Zazauri nenaşi magoşogore, manenaçkine Peter Lerchiş k’elen 1850 3’anas iç’aru. Majura beciti jur svara dinuri svarape ren. “Mevlid” coxoni jur svara, ipti “Ahmede Xasi”-ş k’elen 1899-s do majura “Osman Efendio Babic”-ş k’elen 1933-s Şamis gamiçkvinu.
|
TÜRKÇE
